આ અંગે રાજ્યના નાયબ મુખ્યપ્રધાન નીતિન પટેલે જણાવ્યું હતું કે, નર્મદા નદી પર બાંધવામાં આવેલા સરદાર સરોવર ડેમમાં 134 મીટર પાણી છે. અત્યારસુધીમાં પ્રથમ વખત આટલું પાણી ભરાયું છે. રાજ્યમાં કુલ સરેરાશ વરસાદ 93.54 ટકા નોંધાયો છે. ઉપરવાસમાં ભારે વરસાદને કારણે સરદાર સરોવર ડેમમાં પાણીની આવક વધી છે. અત્યારસુધીમાં સરદાર સરોવરમાં 85 ટકા પાણી ભરાયું છે.
સરદાર સરોવરમાં ગત વર્ષે 51 ટકા પાણી ભરાયુ હતું. રાજ્યસરકાર દ્વારા રોજ 12થી 15 હજાર ક્યુસેક પાણી નર્મદા કેનાલમાં છોડવામાં આવે છે. જેનો ઉપયોગ સૌરાષ્ટ્રના 12 ડેમમાં ભરવા માટે કરવામાં આવે છે. ઉત્તર ગુજરાતમાં સુજલામ સુફલામમાં 1836 ક્યુસેક પાણી છોડવામાં આવ્યું હતું. જેમાંથી કચ્છમાં 4 ડેમમાં, 476 ગામના તળાવોમાં ભરવામાં આવ્યું હતું. ઉપરાંત મધ્ય ગુજરાતમાં મહી કેનાલમાંથી 4035 ક્યુસેક પાણી છોડવામાં આવ્યું હતું.
રાજયના ડેમમાં કુલ 73 ટકા પાણી
જળાશયોની આંકડાકીય માહિતી સ્થિતી....
