ગુજરાતમાં કોરોનાઃ સરકારની નવી નીતિમાં ડિસ્ચાર્જની સંખ્યા ડબલ, કુલ પોઝિટિવ આંક 15572 થયો

રાજ્યમાં આજે 367 કેસ સામે આવ્યાં છે. રાજ્યમાં કોરોના વાઈરસના કારણે છેલ્લા 24 કલાકમાં સારવાર લઈ રહેલા 21 દર્દીનાં મોત થયા છે. રાજ્યમાં કોરના વાઈરસના કુલ 15572 પોઝિટિવ કેસ અત્યાર સુધીમાં નોંધાયા છે. જો કે, છેલ્લા 24 કલાકમાં રાજ્યમાંથી 454 દર્દીઓને રજા પણ આપવામાં આવી છે.

ગાંધીનગરઃ રાજ્યમાં કોરોના વાઈરસના કેસ જે રીતે વધી રહ્યાં છે, જેની સામે હવે સરકારે નવી રણનીતિ બનાવી હોય તેવું લાગી રહ્યું છે. રાજ્યમાં એક દિવસમાં આવતા કોરોના કેસની સામે રિકવરી રેટ ડબલ થયો છે. દરરોજ દર્દીઓને મોટા પ્રમાણમાં ડિસ્ચાર્જ કરવામાં આવી રહ્યાં છે.

રાજ્યમાં છેલ્લા 24 કલાકમાં 367 કેસ સામે આવ્યાં છે. રાજ્યમાં કોરોના વાઈરસના કારણે છેલ્લા 24 કલાકમાં સારવાર લઈ રહેલા 21 દર્દીનાં મોત થયા છે. રાજ્યમાં કોરના વાઈરસના કુલ 15572 પોઝિટિવ કેસ અત્યાર સુધીમાં નોંધાયા છે. જો કે, છેલ્લા 24 કલાકમાં રાજ્યમાંથી 454 દર્દીઓને રજા પણ આપવામાં આવી છે.

સમગ્ર રાજ્ય કોરોનાગ્રસ્ત બની રહ્યું છે, ત્યારે રાજ્યમાં છેલ્લા 24 કલાકમાં અમદાવાદમાં 247, સુરત 44, વડોદરામાં 33, રાજકોટ 7, ગાંધીનગર 4, આનંદ, પંચમહાલ 2-2, ખેડા, અરવલ્લી, બનાસકાંઠા, બોટાદ, છોટાઉદેપુર, ગીર સોમનાથ, જૂનાગઢ, મહેસાણા, મોરબી, નવસારી, પાટણ, સુરેન્દ્રનગર અને વલસાડમાં 1-1 કેસ સામે આવ્યો છે.

આમ, રાજ્યમાં અમદાવાદમાં સૌથી વધુ કેસ સામે આવી રહ્યાં છે. જેને લઇને રાજ્યનો કુલ આંક 15572 પર પહોંચ્યો છે, જેમાં માત્ર અમદાવાદના જ 11344 કેસ થાય છે.