કલોલ રેલવે સ્ટેશન પર ત્રણ ઇન્ટરસ્ટેટ ટ્રેનોનું સ્ટોપેજ અપાયું, કઇ કઇ ટ્રેન ઊભી રહેશે જાણો

કલોલ રેલવે સ્ટેશન પર સાબરમતી દોલતપુર ચોક એક્સપ્રેસ ટ્રેન, અમદાવાદ જમ્મુ તાવી એક્સપ્રેસ ટ્રેન અને બાંદ્રા ટર્મિનસ જેસલમેર એક્સપ્રેસ ટ્રેનનું સ્ટોપેજ આપવામાં આવ્યું છે. જેનો ધારાસભ્ય લક્ષ્મણજી ઠાકોરે શુભારંભ કરાવ્યો હતો.

ગાંધીનગર : કેન્દ્રીય ગૃહ અને સહકારપ્રધાન અમિત શાહ અને ધારાસભ્ય લક્ષ્મણજી પંજાજી ઠાકોરના માર્ગદર્શન હેઠળ 08.12.2023 ના રોજ અમદાવાદ ડિવિઝનના કલોલ રેલવે સ્ટેશન પર ટ્રેન નંબર 19411/19412 સાબરમતી-દૌલતપુર ચોક, ટ્રેન નંબર 1922223/અમદાવાદ જમ્મુતાવી એક્સપ્રેસ અને ટ્રેન નંબર 22931/22932 બાંદ્રા ટર્મિનસ - જેસલમેર એક્સપ્રેસ (સાપ્તાહિક) ટ્રેનોનું સ્ટોપેજ શરૂ થયું છે.

લોકોને મોટી રાહત : આ ત્રણેય ટ્રેનોના સ્ટોપેજ મળવાથી કલોલ શહેર અને આસપાસના ગામડાના લોકોને વિવિધ મહત્વના શહેરોમાં જવા માટે સીધી ટ્રેન ઉપલબ્ધ થશે. જેના કારણે લોકોના સમય અને પૈસાની પણ બચત થશે. આ ટ્રેનોની વિગતો નીચે મુજબ છે.

ધારાસભ્ય લક્ષ્મણજી ઠાકોરે શુભારંભ કરાવ્યો

સાબરમતી-દોલતપુર ચોક એક્સપ્રેસ : ટ્રેન નંબર 19411/19412 સાબરમતી-દોલતપુર ચોક એક્સપ્રેસ (દૈનિક) ટ્રેન. કલોલ સ્ટેશન પર 08.12.2023 થી ટ્રેન નંબર 19411 સાબરમતી-દૌલતપુર ચોક એક્સપ્રેસનો આગમન/પ્રસ્થાનનો સમય 10.00/10.02 કલાકનો રહેશે. તેવી જ રીતે કલોલ રેલ્વે સ્ટેશન પર ટ્રેન નંબર 19412 દૌલતપુર ચોક-સાબરમતી એક્સપ્રેસના આગમન/પ્રસ્થાનનો સમય 14.28/14.30 કલાકનો રહેશે.

અમદાવાદ-જમ્મુ તાવી એક્સપ્રેસ : ટ્રેન નંબર 19223/19224 અમદાવાદ-જમ્મુ તાવી એક્સપ્રેસ (દૈનિક) ટ્રેન કલોલ ઊભી રહેશે. કલોલ રેલ્વે સ્ટેશન પર 08.12.2023 થી ટ્રેન નંબર 19223 અમદાવાદ-જમ્મુ તાવી એક્સપ્રેસનો આગમન/પ્રસ્થાનનો સમય 11.38/11.40 કલાકનો રહેશે. તેવી જ રીતે કલોલ રેલ્વે સ્ટેશન પર ટ્રેન નંબર 19224 જમ્મુ તાવી-અમદાવાદ એક્સપ્રેસનો આગમન/પ્રસ્થાનનો સમય 12.35/12.37 કલાકનો રહેશે.

બાંદ્રા ટર્મિનસ-જેસલમેર એક્સપ્રેસ : ટ્રેન નંબર 22931/22932 બાંદ્રા ટર્મિનસ-જેસલમેર એક્સપ્રેસ (સાપ્તાહિક) ટ્રેન. કલોલ રેલ્વે સ્ટેશન પર 08.12.2023 થી ટ્રેન નંબર 22931 બાંદ્રા ટર્મિનસ-જેસલમેર એક્સપ્રેસનો આગમન/પ્રસ્થાનનો સમય 20.15/20.17 કલાકનો રહેશે. તેવી જ રીતે કલોલ રેલ્વે સ્ટેશન પર 10.12.2023 થી ટ્રેન નંબર 22932 જેસલમેર-બાંદ્રા ટર્મિનસ એક્સપ્રેસનો આગમન/પ્રસ્થાનનો સમય 05.54/05.56 રહેશે.

વધુ માહિતી માટે આ પોર્ટલ જૂઓ : ટ્રેનોના સ્ટોપેજ, કમ્પોઝિશન, રૂટ અને સમય સંબંધિત વિગતવાર માહિતી માટે, મુસાફરો કૃપા કરીને www.enquiry.indianrail.gov.in ની મુલાકાત લઈ શકે છે.