દિલ્હીમાં યુવતીની પૂછપરછ બાબતે ગાંધીનગર DYSP એમકે રાણાએ જણાવ્યું હતું કે, " ગાંધીનગરથી યુવતીને પૂછપરછ માટે ટીમ દિલ્હી ગઈ હતી. ત્યારે યુવતીએ ગૌરવને જાન્યુઆરી 2018માં પ્રથમ વખત મળ્યા હતા અને તેઓએ તિરુપતિ બાલાજી ખાતે લગ્ન કર્યા હોવાનું જણાવ્યું હતું. આ ઉપરાંત ગૌરવ દહિયા અને યુવતી જે હૉટલમાં મુલાકાત તે તમામ ફાઈવસ્ટાર હૉટેલ નામ પોલીસને જણાવ્યા હતા.
ગૌરવ દહિયા પ્રેમ પ્રકરણ : દિલ્હીની યુવતી ગાંધીનગર કમિટી સમક્ષ રહેશે હાજર યુવતીએ બાળકી વિશે વાત કરતાં જણાવ્યું હતું કે, "બાળકીનો જન્મ થયો ત્યારે ગૌરવ દહિયા પણ તેમની સાથે જ હતા. સિઝેરિયન ઓપરેશન દરમિયાન હૉસ્પિટલના કાગળિયાં પર ગૌરવ દહિયાએ જ સહી કરી હતી. બાળકીના બર્થ સર્ટિફિકેટમાં પણ તેનું જ નામ છે."
યુવતીએ ગૌરવ દહિયા અને યુવતી વચ્ચે સંબંધ પ્રસ્થાપિત થાય તેવા પુરાવા ગાંધીનગર પોલીસને આપવાની આપવાની મનાઇ કરી હતી. તેણે પુરાવા દિલ્હી મહિલા આયોગમાં રજૂ કરવા જણાવ્યું હતું. આગળની તપાસ માટે યુવતીને રાજ્ય સરકારે 2 ઓગસ્ટના રોજ સચિવાલયમાં તપાસ કમિટી ખાતે નિવેદન આપવા જણાવ્યું છે.
