લોકસભામાં પસાર થયેલાં બિલ મુદ્દે ગુજરાત CM કરશે બેઠક, ટ્રાફિક નિયમન બિલ 2019 અંગે કરશે સમીક્ષા

ગાંધીનગરઃ કેન્દ્ર સરકારે લોકસભા અને રાજ્યસભામાં નવા ટ્રાફિક નિયમન બિલ 2019ને પસાર કર્યુ છે. જેમાં વાહન ચલાવતી વખતે નિયમનો ભંગ કરનારના દંડમાં  વધારો કરવામાં આવ્યો છે. આ નિયમ સમગ્ર દેશમાં 1 સપ્ટેમ્બરથી લાગુ કરવામાં આવશે. જેને ગુજરાતમાં નિયમ લાગુ કરવો કે નહીં તે માટેની ચર્ચા માટે મુખ્યપ્રધાન વિજય રૂપાણીના નિવાસ્થાને એક ખાસ બેઠક યોજાઈ હતી.

મુખ્યપ્રધાન વિજય રૂપાણીના અધ્યક્ષ સ્થાને યોજાયેલી બેઠકમાં કેન્દ્ર સરકાર દ્વારા લેવાયેલાં નવા ટ્રાફિક નિયમન બિલ અંગે સમીક્ષા કરવામાં આવી હતી. ઉલ્લેખનીય છે કે, 1 સપ્ટેમ્બરથી સમગ્ર દેશમાં આ બિલ લાગુ કરવામાં આવ્યું છે. પરંતુ ગુજરાત રાજ્યમાં હજુ સુધી આ બિલ લાગુ કરવામાં આવ્યું નથી.

દેશના અન્ય રાજ્યમાં આ નિયમ લાગુ કરવામાં આવ્યો છે, જેને સ્થાનિકોમાં હર્ષની લાગણી પણ જોવા મળી રહી છે. પણ ગુજરાતમાં આ નિયમ લાગુ કરવો કે નહીં તે અંગે નિર્ણય લેવા સમીક્ષા કરાઈ હતી. આ સમીક્ષામાં રાજ્યના વાહન વ્યવહાર પ્રધાન આશીર્વાદ ટ્રાન્સપોર્ટ વિભાગના સચિવ સહિતના તમામ ઉચ્ચ અધિકારીઓ હાજર રહ્યા હતાં.