SSC Exam Result: તારીખ 25 મેના ગુરુવારે SSCનું પરિણામ, સવારે 8 વાગ્યાથી ઓનલાઈન જોઈ શકાશે

ધોરણ-10ના પરિણામની તારીખ આવી ગઇ છે. ધોરણ-10 બોર્ડનું પરિણામ તારીખ 25 મેના રોજ જાહેર કરવામાં આવશે. www.gseb.org પર સવારે 8 વાગ્યાના ટકોરે પરિણામ વિધાથીઓ જોઇ શકશે. ધો.12 સામાન્ય પ્રવાહનું પરિણામ આવતા અઠવાડિયે જાહેર થઇ શકે છે.

ગાંધીનગર: ગુજરાતના ધોરણ 10 વિધાથીઓ કાગડોળે પરિણામની રાહ જોઇ રહ્યા છે. ત્યારે આજે રાજ્ય શિક્ષણ બોર્ડ દ્વારા પરીક્ષાની કામગીરી પૂર્ણ કરીને પરિણામ જાહેર કરવાની સત્તાવાર જાહેરાત કરી છે. જેમાં તારીખ 25 મે ગુરુવારના રોજ સવારે આઠ કલાકે ધોરણ 10નું પરિણામ વેબસાઈટ ઉપર જાહેર કરવામાં આવશે. જ્યારે વિદ્યાર્થીઓ વોટ્સએપ નંબર 6357300971 પરથી પરિણામ જાણી શકશે. ગુજરાત માધ્યમિક અને શિક્ષણ બોર્ડ દ્વારા માર્ચ મહિનામાં ધોરણ 10 ની બોર્ડની પરીક્ષાનું આયોજન કરવામાં આવ્યું હતું. તારીખ 14 માર્ચથી તારીખ 30 માર્ચ સુધી ધોરણ 10 બોર્ડની પરીક્ષા યોજાઈ હતી.

રી ચેકીંગ માટે ઓનલાઈન સિસ્ટમ:રી ચેકીંગ માટે ઓનલાઈન સિસ્ટમ ધોરણ દસમાં જે વિદ્યાર્થીઓ ઓછા માર્ગે નાપાસ થયા હોય અને તેવા વિદ્યાર્થીઓને તેમનું પેપર રીચેકિંગ કરાવું હોય તે માટે પણ ઓનલાઇન આવેદન આપવું પડશે. જ્યારે ફરીથી એક અથવા બે વિષયમાં નપાસ થયેલા વિદ્યાર્થીઓને પરીક્ષા આપવા માટે પણ ઓનલાઇન આવેદનપત્ર ભરવું રહેશે. તેવી જાહેરાત પણ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા કરવામાં આવી છે. જ્યારે પાસ થયેલા તમામ ઉમેદવારોને ગુણ પત્રક અને એસઆર નકલ સારા વાર મોકલવા અંગે પણ વિગતવાર સૂચનાઓ સમાન્યાન્તરે જાહેર કરવામાં આવશે.

9.56 લાખ વિધાર્થીઓ આપી હતી પરીક્ષા:ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા ધોરણ 10 ની પરીક્ષા 14 માર્ચથી શરૂ થઈ હતી. ત્યારે શિક્ષણ વિભાગ દ્વારા ધોરણ 12 વિજ્ઞાન પ્રવાહનું પરિણામ જાહેર કરી દેવામાં આવ્યું છે. ત્યારે હવે શિક્ષણ બોર્ડ દ્વારા સત્તાવાર રીતે જાહેરાત કરતા 25 મે ના રોજ ધોરણ 10 નુ પરિણામ જાહેર કરવામાં આવશે ત્યારે ધોરણ 10 માં કુલ 9.56 લાખ વિદ્યાર્થીઓએ પરીક્ષા આપી હતી જેમાં ધોરણ 10 ની પરીક્ષા માટે 958 કેન્દ્ર ઉપર પરીક્ષા યોજાઈ હતી.

GSEB ધોરણ 10 પરિણામ ચેક કરવા માટે સ્ટેપ્સ
સ્ટેપ 1- ગુજરાત બોર્ડની સત્તાવાર વેબસાઇટ www.gseb.org ઓપન કરવાનું રહેશે. ત્યાર બાદ તમારે સ્ટેપ 2માં હોમપેજ પર જીએસઈબી બોર્ડ એસએસસી/એચએસસી રિઝલ્ટ 2023 પર ક્લિક કવાનું રહેશે. હવે તમારે સ્ટેપ 3- સ્કૂલ ઇંડેક્સ નંબર અને પાસવર્ડ દાખલ કરવાનો રહેશે. આ પછી તમારે સ્ટેપ 4માં - સબમિટ બટન પર ક્લિક કરવાનું રહેશે. આ કરવાથી તમારુ રિઝલ્ટ તમે જોઇ શકો છો.