ગાંધીનગર : ગુજરાત વિધાનસભાના ઇતિહાસમાં પ્રથમ વખત ધારાસભ્યો ક્રિકેટ મેચ રમી રહ્યા છે, ત્યારે ગઈકાલે રાજ્યના મુખ્યપ્રધાન ભૂપેન્દ્ર પટેલ સાબરમતી ટીમના કેપ્ટન હતા અને નર્મદા ટીમના કેપ્ટન હર્ષ સંઘવી હતા. 10 વાગ્યાની આસપાસ શરૂ થયેલ મેચમાં મુખ્યપ્રધાન ભૂપેન્દ્ર પટેલની ટીમ દ્વારા ટોસ જીતીને પ્રથમ બેટિંગ લેવામાં આવી હતી. પરંતુ ઓપનિંગમાં આવેલા CM ભુપેન્દ્ર પટેલ વિરમગામના ધારાસભ્ય હાર્દિક પટેલની બોલિંગમાં કેચ આઉટ થયા હતા.
84 રનનો ટાર્ગેટ : MLA ક્રિકેટ લીગમાં ભૂપેન્દ્ર પટેલની સાબરમતી ટીમ દ્વારા 84 રનનો ટાર્ગેટ આપવામાં આવ્યો હતો. જે નર્મદા ટીમ દ્વારા એક વિકેટના નુકસાને ટાર્ગેટ પૂર્ણ કરવામાં આવ્યો હતો અને સાબરમતી ટીમ સામે નર્મદા ટીમનો વિજય થયો હતો, મહત્વની વાત કરવામાં આવે તો રાજ્યના મુખ્યપ્રધાન ભુપેન્દ્ર પટેલ બોલિંગ કરી રહ્યા હતા ત્યારે નો બોલ મુખ્યપ્રધાન ભૂપેન્દ્ર પટેલે નાખતા જ રન વધારાના મળ્યા હતા. મુખ્યપ્રધાન ભુપેન્દ્ર પટેલનો નો બોલ એક મેચનો છેલ્લો બોલ હતો અને હર્ષ સંઘવીની ટીમનો 84 અને વિજય થયો હતો.
આ પણ વાંચો :Cricket Match in Vadodara : વડોદરામાં ઇન્ટરનેશનલ વ્હીલચેર ક્રિકેટ ચેમ્પિયનશીપ 2023નો પ્રારંભ, ફાઈનલ મેચ કઇ તારીખે જૂઓ
આજે ફાઇનલ મેચ :સ્વયં ગુજરાત ધારાસભ્ય ક્રિકેટ મેચમાં આજે સાંજે 2 સેમી ફાઈનલ રમાશે અને ત્યારબાદ ફાઇનલ મેચ યોજાશે. મહત્વની વાત કરવામાં આવે તો સેમિફાઇનલમાં મીડિયાની ટીમ, નર્મદા અને માહીં ટીમનો સમાવેશ થયો છે. ત્યારે સ્વર્ણિમ ગુજરાત MLA ક્રિકેટ ટીમનો વિજેતા કોણ બનશે તે જોવું રહ્યું.
તમામ ટીમમાં મહિલા ધારાસભ્ય વાઇસ કેપ્ટન :ધારાસભ્યની જે ટીમ તૈયાર કરવામાં આવી છે. તે તમામ ટીમમાં એક મહિલા ધારાસભ્યનો સમાવેશ કરવામાં આવ્યો છે. તમામ મહિલા ધારાસભ્યોને વાઇસ કેપ્ટન તરીકેની જવાબદારી પણ સોંપવામાં આવી છે. આમ ધારાસભ્ય ક્રિકેટ લિંકમાં મહિલા ધારાસભ્યોએ પણ બેટિંગ, બોલિંગ અને ફિલ્ડિંગમાં હાથ અજમાવે છે.
આ પણ વાંચો :Gandhinagar Cricket Match : ધારાસભ્યોનો ક્રિકેટ મેચ, CM એ બેટિંગ કરી મહિલાઓને જવાબદારી સોંપી
સ્પોર્ટ્સ ઓથોરિટી વેબસાઈટ પર લાઈવ :ગુજરાતના 80થી વધુ ધારાસભ્યો આ ક્રિકેટ મેચમાં જોડાયા છે, ત્યારે તમામ લોકો આ ક્રિકેટ મેચનો લાઇવ પ્રસારણ નિહાળી શકે તેને ધ્યાનમાં લઈને ગુજરાત સ્પોર્ટ ઓથોરિટીના યુટ્યુબ પેજ પર લાઈવ કરવામાં આવી રહ્યું છે. જ્યારે હિન્દીમાં ગ્રાઉન્ડ પર કોમેન્ટ્રી કરવામાં આવી છે.
