રાજ્યના 11 પોલીસ અધિકારીઓને અપાયા DGP ચંદ્રક, પદક આપનારું ગુજરાત 7મું રાજ્ય બન્યું

રાજ્યના પોલીસ દળમા સારી કામગીરી કરનાર તમામ સંવર્ગના પોલીસ અધિકારીઓ માટેના આ ખાસ પોલીસ ચંદ્રકને ડી.જી.પી. કમન્ડેશન ડીસ્ક ( “ DGP's commendation Disc ” ) તરીકે ઓળખવામાં આવે છે . દેશના આસામ , હિમાચલ પ્રદેશ , પંજાબ , ત્રિપુરા , ઉત્તર પ્રદેશ , અને કેરાલા જેવા રાજ્યો તથા સીમા સુરક્ષા બળ અને સી.આર.પી.એફ જેવા પેરામીલટરી દળોમાં આવો પદક આપવામાં આવે છે . હવે ગુજરાત પણ આવો ચંદ્રક આપનાર 7મું રાજ્ય બન્યુ છે. પોલીસની આવી ઉત્તમ કામગીરીને બિરદાવવા અને તેમનું મનોબળ વધારવા રાજ્યના પોલીસ વડા શિવાનંદ ઝા દ્વારા એક નવો પદક આપવાની પહેલ કરવામાં આવી છે.

ગાંધીનગર: ગુજરાત પોલીસ અકાદમી કરાઈ ખાતે પસંદગી પામેલા પોલીસ અધિકારીઓને આ ચંદ્રક આપવા માટે એક ખાસ કાર્યક્રમ યોજાયો હતો . જેમાં ચાલુ વર્ષ માટે જે 110 પોલીસ અધિકારીઓને ડી.જી.પી. ડિસ્ક રૂપે આ એવોર્ડ આપવામાં આવેલ હતો. યોગ્ય સોશ્યલ ડીસ્ટન્સ જળવાય તે માટે કરાઈ ખાતેના વિશાળ ઓડીટોરીયમમાં અલગ - અલગ ટીમમાં વિજેતા અધિકારીઓને હાજર રાખીને, પોલીસ વડા શિવાનંદ ઝા દ્વારા દરેક વિજેતાને આ ચંદ્રક તથા પ્રમાણપત્ર આપવામાં આવ્યુ હતું . કોવિડ 19 ને ધ્યાનમાં લઈને આ કાર્યક્રમમાં કોઇ મહેમાનો અથવા પોલીસ અધિકારીઓના પરિવારજનોને હાજર રાખવામાં આવેલ ન હતા.

રાજ્યના 11 પોલીસ અધિકારીઓને અપાયા DGP ચંદ્રક, પદક આપનાર ગુજરાત 7મું રાજ્ય બન્યુ

વિજેતાઓમાં અલગ અલગ સંવર્ગના પોલીસ અધિકારીઓ સામેલ છે , જેમાં એડીશનલ ડીજી - 2, આઇજી - 5, ડીઆઇજી 1 , એસપી - 6, ડીવાયએસપી - 16, પીઆઇ -16 , પીએસઆઈ - 10 , એએસઆઈ -10, હેડ કોસ્ટેબલ -22, તથા કોસ્ટેબલ - 22નો સમાવેશ થાય છે. ચંદ્રક વિજેતા અધિકારીઓના નામની વિગત આ સાથે અલગથી સામેલ છે . પદક મેળવનાર તમામ અધિકારીઓને પોલીસ મહાનિદેશક શિવાનંદ ઝા દ્વારા અભિનંદન આપવામાં આવેલ હતા અને એવો વિશ્વાસ વ્યક્ત કરવામાં આવેલ હતો કે , ભવિષ્યમાં પણ પોલીસ દ્વારા ઉત્તમ સેવા આપીને રાજ્ય અને દેશનું ગૌરવ વધારવામાં આવશે.પોલીસ અધિકારીઓ માટે , દેશના રાષ્ટ્રપતિ દ્વારા આપવામાં આવતાં વિશિષ્ટ સેવા મેડલ તથા પ્રશંસનીય સેવા મેડલ સિવાય અન્ય કોઈ એવોર્ડ , પદક કે સન્માન આપવામાં આવતું ન હતું . રાષ્ટ્રપતિ દ્વારા અપાતાં આ પોલીસ ચંદ્રકોની સંખ્યા પોલીસ જવાનોની સંખ્યા સામે ઘણી ઓછી રહેતી હોવાથી ઘણી વખત તમામ લાયક પોલીસ અધિકારીઓને મેડલ પસંદગીમાં સમાવી શકાતા નથી.