ગાંધીનગર : રાજ્યમાં કોરોનાના કારણે તમામ શાળાઓ અને કોલેજો lockdown થી સંપૂર્ણ રીતે બંધ હતી. તબક્કાવાર રાજ્ય સરકાર દ્વારા પ્રથમ તબક્કામાં કોલેજો ત્યારબાદ ધોરણ 10 અને 12 ના વર્ગો અને ત્યારબાદ 8 અને 9 ધોરણો ઓફલાઇન શરૂ કર્યા હતાં. પરંતુ ફરજિયાત હાજરી રાખી ન હતી અને સાથે જ ઓનલાઇન શિક્ષણની વ્યવસ્થા પણ રાખવામાં આવી હતી. ત્યારે આજે રાજ્યની તમામ શાળાઓ 100 ટકા ક્ષમતા સાથે ખોલવામાં આવી છે.
કોર કમિટીની બેઠકમાં લેવાયો નિર્ણય
રાજ્યના મુખ્યપ્રધાન ભુપેન્દ્ર પટેલની અધ્યક્ષતામાં 17 ફેબ્રુઆરીએ મળેલી કોર કમિટીની બેઠકમાં (Core Committee Decision) આજથી, એટલે કે 21 ફેબ્રુઆરી સોમવારથી રાજ્યની તમામ શાળાઓ ફરજિયાત ઓફલાઈન કરવાનો નિર્ણય કરવામાં આવ્યો હતો. આ સાથે જ રાજ્યભરમાં ઓનલાઇન શિક્ષણ (Education Minister Jitu vaghani announcement) સંપૂર્ણ રીતે બંધ (Offline Education in Gujarat) કરવામાં આવ્યું છે.
તમામ વિદ્યાર્થીઓની હાજરી ફરજિયાત
રાજ્ય સરકારના નિર્ણયને લઇ શિક્ષણપ્રધાન જીતુ વાઘાણીએ (Education Minister Jitu vaghani announcement) ટ્વીટ કરતા જાહેર કર્યું હતું કે રાજ્યના મુખ્યપ્રધાન ભુપેન્દ્ર પટેલની અધ્યક્ષતામાં મળેલી કોર કમિટીની બેઠકમાં (Core Committee Decision)21 ફેબ્રુઆરી સોમવારથી શિક્ષણ વિભાગ હસ્તકની તમામ શાળા-કોલેજો સંપૂર્ણ રીતે ઓફલાઈન કરવાનો મહત્વનો નિર્ણય કરવામાં આવ્યો છે. સરકારના નિર્ણયને ધ્યાનમાં લઇને તમામ વિદ્યાર્થીઓએ પણ ફરજિયાત હાજરી આપવી પડશે. કારણ કે રાજ્ય સરકારના નિયમ પ્રમાણે ઓનલાઇન શિક્ષણ સંપૂર્ણ રીતે બંધ કરવામાં આવ્યું છે.