5 મનપા વિસ્તાર અને 16,901 ગામમાં પ્રથમ ડોઝનું 100 ટકા રસીકરણ પૂર્ણ

રસીકરણની પ્રક્રિયા વેગવંતી બની રહી છે ત્યારે દિવાળી બાદ રાજ્યના 5 મનપા (5 Manpa)વિસ્તારમાં પ્રથમ ડોઝનું 100 ટકા રસીકરણ થઈ ચૂક્યું છે. ગ્રામ્ય લેવલે પણ લોકો રસી લેવા માટે અવેર થઈ રહ્યા છે. પ્રથમ ડોઝની કામગીરી રસીકરણ આપવાના ટાર્ગેટની પૂર્ણ થવાના આરે છે ત્યારે આગામી સમયમાં સેકન્ડ ડોઝનો ટાર્ગેટ પણ જડપથી પૂર્ણ થાય તે માટે ઘરે ઘરે જઈને રસી (Vaccines at home)આપવાની કામગીરી પણ કરવામાં આવી રહી છે.

• 4 જિલ્લામાં પ્રથમ ડોઝનું 100 ટકારસીકરણ
• રાજ્યમાં 4 કરોડ 50 લાખ લોકોને પ્રથમ ડોઝ અપાયો
• રાજ્યમાં કુલ 7 કરોડ 20 લાખ રસીકરણ
  
  

ગાંધીનગર :રસીકરણની (vaccine)પ્રક્રિયા છેલ્લા કેટલાક સમયથી વેગવંતી બની છે.રસીકરણ પ્રક્રિયા ઝડપી બનતા કોરોનાના કેસો (Corona cases)પણ બીજી લહેર બાદ ઓછા જોવા મળી રહ્યા છે ત્યારે આગામી સમયમાં ગુજરાતનો રસીકરણ (Vaccine of Gujarat)આપવાનો ટાર્ગેટ જડપથી પુરો થાય તે દિશામાં રાજ્ય સરકાર દ્વારા કામગીરી કરવામાં આવી રહી છે. જેમાં ગ્રામ્ય જિલ્લા અને મહાનગરોમાં 100% વેક્સિન થાય તે પ્રકારની કામગીરી કરવામાં આવી રહી છે.

આ 5 મનપા વિસ્તાર અને 4 જિલ્લામાં પ્રથમ ડોઝનું 100 ટકા વેકસીનેશન થયું

આરોગ્ય પ્રધાન ઋષિકેશ પટેલે કહ્યું કે, "ગાંધીનગર, ભાવનગર, સુરત, રાજકોટ, જૂનાગઢ આ 5 મનપા વિસ્તારમાં 100 ટકા વેકસીનેશન થયું છે. રાજ્યના 4 જિલ્લામાં 100 ટકા વેકસીનેશન થયું. જૂનાગઢ, મહીસાગર, તાપી, અમદાવાદ જિલ્લામાં 100 ટકા વેકસીનેશન આ 4 જિલ્લામાં પ્રથમ ડોઝનું થયું છે." પહેલાથી જ આ મહાનગરોમાં પણ બીજી લહેરમાં મોટી સંખ્યામાં કેસો જોવા મળ્યા હતા ત્યારે અહીં વેક્સિનને લઈને અવરનેશ પણ લોકોમાં વધી હતી.

રાજ્યના 16901 ગામમાં પ્રથમ ડોઝનું 100 ટકા વેકસીનેશન થયું

તેમણે વધુમાં કહ્યું કે, "16901 ગામમાં પ્રથમ ડોઝનું 100 ટકા રસીકરણ થયું છે. રાજ્યમાં 4 કરોડ 50 લાખ લોકોને પ્રથમ ડોઝ અપાયો છે. રસીકરણનો બીજો ડોઝ 2 કરોડ 71 લાખ લોકોએ લીધો છે. તો રાજ્યમાં અત્યાર સુધીમાં કુલ 7 કરોડ 20 લાખ લોકોનું રસીકરણ થયું છે." બીજી લહેરમાં ગ્રામ્ય વિસ્તારમાં ખાસ કરીને તકેદારીના અભાવે મોટી સંખ્યામાં કેસો જોવા મળ્યા હતા. શહેરોની જેમ જ ગ્રામ્ય કક્ષાએ પણ મોટાલિટી રેસિયો વધુ જોવા મળ્યો હતો. જેથી લોકો પણ વેક્સિન લેવા અવેર બન્યા હતા.

આ પણ વાંચોઃદિવાળી પછી સારી આવક સાથે શરૂ થયું પાટણનું APMC, ખેત પેદાશોના ભાવમાં આવી તેજી

આ પણ વાંચોઃસિંઘુ બોર્ડર પર વધુ એક ખેડૂતે મોતને વહાલું કર્યું