ગાંધીનગર : જિલ્લાના આરોગ્ય વિભાગ તરફથી મળતી માહિતી પ્રમાણે વર્ષ દરમિયાન કુલ 1360 થી વધુ વખત કોલેરાનો સર્વે કરવામાં આવ્યો છે. જ્યારે જે વિસ્તારમાં કુલ 6,000 થી પણ વધુ વસ્તી છે તેવા તમામ લોકોના ટેસ્ટ પણ કરવામાં આવશે. મહત્વની વાત કરવામાં આવે તો, ડેન્ટલ કોલેજ ખાતે આવેલ એક ઈંટોના ભઠ્ઠા પાસે રહેતી 19 વર્ષીય યુવતીને કોલેરા પોઝિટીવ આવતા કલેકટર દ્વારા આસપાસના બે કિલોમીટરના વિસ્તારને કોલેરાગ્રસ્ત જાહેર કરવામાં આવ્યો છે. આવનારા 3 મહિના માટે આ વિસ્તારને કોલેરા ગ્રસ્ત વિસ્તાર તરીકે જાહેેર કરવામાં આવેલ છે. આ પ્રકારની માહિતી જિલ્લા કલેક્ટર હિતેશ કોયા દ્વારા આપવામાં આવેલ છે.
ટીમ બનાવી સર્વે હાથ ધરવામાં આવ્યો છે : ગાંધીનગરના આરોગ્ય વિભાગ તરફથી મળતી માહિતી પ્રમાણે જિલ્લાના ઉવારસદ ગામમાં કુલ 1300 થી વધુ મકાનો અને 6000 થી વધુ લોકોનું સર્વેલન્સ હાથ ધરવામાં આવ્યું છે. જ્યારે હાલમાં પણ સર્વેની કામગીરી ચાલુ છે. જેમાં 3 જેટલા પોઝિટિવ કેસ સામે આવ્યા છે. તમામ લોકોને સારવાર માટે હોસ્પિટલમાં ખસેડવામાં આવ્યા છે. આમ હવે 31 માર્ચ 2024 સુધી ઉવારસદના 2 કિલોમીટર સુધીના વિસ્તારને કોલેરાગ્રસ્ત વિસ્તાર તરીકે જાહેર કરાયેલ છે.
આ કારણોસર બિમારી થાય છે :આ બીમારી સ્વચ્છતાના અભાવે તેમજ દૂષિત ખોરાક લેવાથી થાય છે, જેની સાથે વ્યક્તિને અતિસાર કે પાતળા ઝાડા થાય છે. કોલેરા, એ વાઈબ્રિયો કોલેરી નામના બેક્ટેરિયાને કારણે જઠરમાં થતો ગંભીર ચેપ છે. તે મુખ્યત્વે દૂષિત પાણી અને કાચો ખોરાક અથવા રાંધ્યાં વિનાની માછલી અને છીપ (સીપદાર માછલી) સાથે જોડાયેલો છે. આ બીમારી મળાશય-મુખના રસ્તે એક વ્યક્તિથી બીજી વ્યક્તિ સુધી પ્રસરે છે.
કોલેરાના લક્ષણો :
ચેપ લાગુ થયા બાદ કેટલાક કલાકોમાં જ અથવા તો પાંચ દિવસ સુધીમાં કોલેરાનાં ચિહ્નો જોવાં મળે છે. લક્ષણો મોટા ભાગે હળવા હોય છે. પરંતુ કેટલીકવાર તે અત્યંત ગંભીર હોય છે. 20 ચેપી વ્યક્તિઓમાંથી લગભગ એક વ્યક્તિને ગંભીર પાણી જેવા પાતળા ઝાડા થતા હોય છે અને સાથે સાથે ઉલ્ટી પણ થાય છે, જેના કારણે અત્યંત ઝડપથી શરીરમાંથી પાણી ખૂટી જાય છે. અનેક ચેપી વ્યક્તિઓને મામૂલી અથવા તો કોઈ ચિહ્નો દેખાતાં નથી, તેમ છતાં તેઓ ચેપ ફેલાવી શકે છે.
શરીરમાંથી પાણી ખૂટી જવાનાં ચિહ્નો અને લક્ષણો :
- હૃદયના ધબકારા વધી જવા
- ત્વચાની લવચિકતા ઓછી થવી (ચૂંટલો ભર્યા પછી ત્વચા ફરી ઝડપથી સામાન્ય સ્થિતિમાં આવે તે ક્ષમતા)
- મોં, ગળા, નાક અને પાંપણની અંદરની બાજુ સહિતની શરીરની આંતરત્વચા સૂકાઈ જવી
- બ્લડ પ્રેશર ઘટી જવું
- તરસ લાગવી
- સ્નાયુ ખેંચાવા
સારવાર અને સાવધાની :
- કોલેરાની રસી છે. આ રસી કોને આપવી જોઈએ તે બાબતે સીડીસી અને વર્લ્ડ હેલ્થ ઓર્ગેનાઈઝેશન - બંનેની ચોક્કસ માર્ગદર્શિકાઓ છે.
- તમે ફક્ત ઉકાળેલું, રાસાયણિક રીતે જંતુમુક્ત કરેલું અથવા તો બોટલમાં પૅક પાણી વાપરીને તમારું તેમજ તમારા પરિવારનું રક્ષણ કરી શકો છો. પીવા માટે, રસોઈ માટે, બ્રશ કરવા, વાસણ તેમજ શાકભાજી અને ફળો ધોવા માટે બોટલમાં પૅક, ઉકાળેલું અથવા તો રાસાયણિક રીતે જંતુમુક્ત કરેલા પાણીનો જ વપરાશ કરો.
- તમારે કાચો ખોરાક લેવાનું પણ ટાળવું જોઈએ, જેમાં આ ચીજો સામેલ છે.
- Kheda Stone pelted: ખેડાના કણજરીમાં પથ્થરમારા મામલે 13 આરોપીઓને જેલ હવાલે, જાણો શું હતો સમગ્ર મામલો
- Mass Suicide: પિતાએ 3 સંતાન સાથે ટ્રેન નીચે પડતું મુક્યું, 2023ના વર્ષના અંત સાથે જિંદગીનો પણ આણ્યો અંત
