ગાંધીનગર : ગુજરાતમાં રાજ્યસભાની ખાલી પડેલી 4 બેઠકો પર ચૂંટણી થશે. ભાજપ દ્વારા 3 અને કોંગ્રેસ દ્વારા 2 ઉમેદવાર ઊભા રાખવામાં આવ્યા છે. જ્યારે કોંગ્રેસના 5 ધારાસભ્ય રાજીનામાં પણ આપી દીધા છે, વધુ કોંગ્રેસના ધારાસભ્યો રાજીનામાં ન આપે તે માટે કોંગ્રેસના ધારાસભ્યોને જયપુરમાં ખસેડ્યા છે.
મંગળવારે સુરતના ધારાસભ્ય પૂણેશ મોદીએ કહ્યું કે, આજે એક પણ કોંગ્રેસના ધારાસભ્યો ગૃહમાં હાજર ન હતા. કોરોનાને લઈને વિધાનસભાના ગૃહ બંધ રાખવાની વાત કરવામાં આવી રહી છે, ત્યારે જયપુરથી પરત આવનાર તમામ કોંગ્રેસના ધારાસભ્યોને નિયમ મુજબ 2 અઠવાડીયા સુધી આઇસોલેશન વોર્ડમાં રાખવા જોઈએ.
પૂર્ણેશ મોદીએ કહ્યું કે કોરોના વાઈરસને લઈને સરકાર દ્વારા તમામ પ્રકારના પગલાં ભરવામાં આવી રહ્યાં છે. કોરોના વાયરસના સમયે કોંગ્રેસના ધારાસભ્યો હાલમાં રાજસ્થાનના જયપુરના પ્રવાસે ગયા છે. રાજસ્થાનમાં પોઝિટિવ કેસ સામે આવ્યો છે, ત્યારે જે ધારાસભ્યો રાજ્યસભાની ચૂંટણીના દિવસે ગાંધીનગરમાં આવે ત્યારે તેમણે પહેલા સીધા હોસ્પિટલમાં લઈ જવા જોઈએ અને બે અઠવાડીયા સુધી તેમનું ચેકિંગ કરવું જોઈએ. જે બાદ તેમણે રુટીન પ્રક્રિયા મુજબ જવા આઈસોલેશન વોર્ડમાં રાખવામાં જોઇએ.
