DGP તરીકે આશિષ ભાટિયાએ ચાર્જ સાંભળ્યાના 7 દિવસમાં વર્ષ 2007થી ગુમ થયેલા બાળકોનું સર્ચ ઓપરેશન શરૂ કર્યું

અમદાવાદના પૂર્વ પોલીસ કમિશનર આશિષ ભાટિયાએ રાજ્યના DGP તરીકેનો ચાર્જ સંભાળ્યાના 7 દિવસમાં જ વર્ષ 2007થી રાજ્યમાં ગુમ થયેલા બાળકોને શોધવા માટેની કામગીરીની સમીક્ષા કરી હતી. આ સમીક્ષા બેઠકમાં વર્ષ 2007થી 2020 દરમિયાન ગુમ તથા અપહરણ થયેલા બાળકોને શોધવા માટે થયેલા કામગીરીની સમીક્ષા કરવામાં આવી હતી. આ ઉપરાંત ટૂંક સમયમાં લાપતા તથા અપહરણ થયેલા બાળકોને શોધવા માટેની સ્પેશિયલ ડ્રાઇવ દરમિયાન થયેલી કામગીરીની સમીક્ષા કરવામાં આવી હતી.

ગાંધીનગર: ગુજરાત રાજ્યના પોલીસ ભવનથી મળતી માહિતી પ્રમાણે કુલ 46,400 જેટલા બાળકો ગુમ તથા અપહરણ થયેલા છે. જે પૈકી 43,786 બાળકો મળી આવેલા છે અને કુલ 2617 બાળકો શોધવાના બાકી છે. જેથી બાળકો શોધવાની ટકાવારી 94.36 ટકા છે.

રાજ્યના મોટા શહેરો જેવા કે, અમદાવાદ, સુરત, મહેસાણા, દાહોદ, ગોધરા વગેરે જિલ્લાઓમાંથી મોટી સંખ્યામાં બાળકો લાપતા તથા અપહરણ થયેલા હોવાનું ધ્યાનમાં આવ્યું છે. જેથી રાજ્યના પોલીસ વડાની સૂચનાથી અઢાર વર્ષથી નીચેની ઉંમરના લાપતા થયેલા બાળકો શોધવા માટે 6 ઓગસ્ટથી 22 ઓગસ્ટ સુધી પંદર દિવસની સ્પેશિયલ ડ્રાઇવનું આયોજન કરવામાં આવ્યું છે.

આ સ્પેશિયલ ડ્રિલમાં શહેર તથા જિલ્લાના તમામ પોલીસ સ્ટેશન ઉપરાંત એન્ટી હ્યુમન ટ્રાફિકિંગ યુનિટ, CCB, DCB, PCB, SOG તથા મેચિંગ સેલના તમામ અધિકારીઓને સુંચના આપવામાં આવી છે. આ સાથે જ લાપતા તથા અપહરણ થયેલા બાળકોને શોધવા માટે ઓબ્ઝર્વેશન હોમ તેમજ ચાઈલ્ડ કેર હોમમાં પણ તપાસ કરવાના આદેશ રાજ્યના પોલીસ અધિકારીઓને આપવામાં આવ્યા છે.

ઉલ્લેખનીય છે કે, ગુજરાત રાજ્યના પોલીસ વડા તરીકે આશિષ ભાટિયાને હજૂ 7 દિવસ જ થયા છે. ત્યારે વર્ષ 2007થી અત્યાર સુધી ગુમ થયેલા બાળકોને શોધી કાઢવા માટે રાજ્યના તમામ પોલીસ અધિકારીઓને સૂંચના આપવામાં આવી છે.

31 જુલાઈ -રાજ્યના નવાDGPતરીકે 1985 બેચના આશિષ ભાટીયાની નિમણૂક

રાજ્યમાં શિવાનંદ ઝાની વય નિવૃત્તિને કારણે ખાલી પડેલી રાજ્યના રાજ્ય પોલીસ વડાની જગ્યા ઉપર આશિષ ભાટીયાની નિમણૂક કરવામાં આવી છે. 1985 બેચના આશિષ ભાટીયા હાલમાં અમદાવાદ કમિશનર તરીકે ફરજ બજાવી રહ્યાં હતાં. જેઓ આવતીકાલે રાજ્ય પોલીસ વડાનો ચાર્જ સંભાળે તેવી શક્યતા જોવા મળી રહી છે.