ભાજપ દ્વારા પક્ષને વધું મજબુત બનાવવા માટે સ્ક્રીનિંગ કમિટી બનાવાઇ

લોકસભા ચૂંટણી 2024ને લઈને ભાજપ આકરા પાણીએ જોવા મળી રહી છે. જેમાં હવે દિલ્હી પછી ગુજરાતમાં પણ સ્ક્રીનિંગ કમિટીની રચના કરવામાં આવી છે. જેનો હેતું અન્ય પક્ષમાંથી નેતાઓને જોડવાનો છે. પ્રદેશ સ્તરે 5 લોકોને જવાબદારી સોંપવામાં આવી છે. જાણો કયા નેતાને કઇ જવાબદારી સોંપવામાં આવી છે.

ગાંધીનગર : સ્ક્રીનિંગ કમિટીમાં ભરત બોઘરાને કમિટીના અધ્યક્ષ બનાવામાં આવ્યા છે. રાજ્ય સરકારના પ્રધાન પ્રફુલ પાનસેરિયા, સુરેન્દ્રનગરના ધારાસભ્ય જગદીશ મકવાણાનો કમિટીના સમાવેશ કરાયો છે. નેતાઓ સાથે ચર્ચા પછી જ પાર્ટીમાં એન્ટ્રી આપવામાં આપશે. કેટલાક રાજયોમાં કડવા અનુભવ થયા પછી આ કમિટીની રચના કરવામાં આવી છે. આવનારી લોકસભા ચૂંટણીને લઈને બીજેપીએ આ કમિટીની રચના કરી છે.

આ કારણોસર કમીટીની રચાઇ : અન્ય પક્ષમાંથી નેતાઓ, કી વોટર, સામાજિક આગેવાનોને જોડવા માટે થઇને ખાસ આ સ્ક્રીનિંગ કમિટી રચવામાં આવી છે. તેમાં પ્રદેશ સ્તરે 5 લોકોને જવાબદારી સોંપવામાં આવી છે. ચૂંટણી પહેલાં લોકોને ભાજપ સાથે જોડવા 5 નેતાઓ સંકલન કરશે. આ નેતાઓ સાથે સંકલન બાદ જ પાર્ટીમાં તેમનો સમાવેશ કરવામાં આવશે. કેટલાક રાજ્યમાં ભાજપને થયેલા કડવા અનુભવ બાદ દેશભરમાં કમિટી રચવા આદેશ આપવામાં આવ્યો છે.

ભાજપ

1. ધારાસભ્ય અમિત ઠાકરને કચ્છ, બનાસકાંઠા અને પાટણ લોકસભાની જવાબદારી સોંપવામાં આવી છે.
2. રાષ્ટ્રીય મહામંત્રી અને કિસાન મોરચાના બાબુ જેબલીયાને મહેસાણા, સાબરકાંઠા અને સુરેન્દ્રનગરની જવાબદારી આપવામાં આવી છે.
3. પ્રદેશ સંયોજક, રાષ્ટ્રીય પ્રશિક્ષણ અભિયાનના કે.સી. પટેલને ગાંધીનગર, અમદાવાદ પૂર્વ, અમદાવાદ પ્રશ્નિમની જવાબદારી સોંપવામાં આવી છે.
4. સાંસદ નરહરીને આણંદ, ખેડા, પંચમહાલ, દાહોદની જવાબદારી આપવામાં આવી છે.
5. પૂર્વ મંત્રી, રાજ્ય સરકારના પ્રદિપસિંહ જાડેજાને વડોદરા, છોટાઉદેપુર અને ભરુચની જવાબદારી સોંપવામાં આવી છે.
6. રાષ્ટ્રીય ઉપાધ્યક્ષ અને મહિલા મોરચાના ડો. જ્યોતિબેન પંડ્યાને સુરત, નવસારી, બારડોલી અને વલસાડની જવાબદારી આપવામાં આવેલ છે.
7. સદસ્ય, પ્રેદશ કોર ટીમ પૂર્વ મંત્રી, રાજ્ય સરકારના ભુપેન્દ્ર ચુડાસમાંને જૂનાગઢ, અમરેલી અને ભાવનગરની જવાબદારી સોંપવામાં આવેલ છે.
8. સદસ્ય પ્રદેશ કોર ટીમ પૂર્વ મંત્રી, રાજ્ય સરકાર પ્રદેશ પ્રમુખ આર.સી. ફળદુને જામનગર, પોરબંદર અને રાજકોટની જવાબદારી આપેલ છે.