ગુજરાતના એરપોર્ટ પર ખાસ વ્યવસ્થા, 2 ટકા પેસેન્જરનું થશે સ્ક્રીનિંગ

સમગ્ર વિશ્વમાં ચીન, અમેરીકા, યુરોપ, સહિત 10 દેશમાં કોરોનાની ચોથી લહેર આતંક મચાવી રહી છે, ત્યારે કેન્દ્રીય આરોગ્ય મંત્રાલય દ્વારા સમગ્ર દેશમાં કોરોનાની ચોથી લહેર આવે નહીં તેને ધ્યાનમાં લઈને ગાઇડલાઇન્સની જાહેરાત (Health Minister Rushikesh Patel covid guidelines) કરી છે. જ્યારે આજે કેન્દ્રીય આરોગ્યપ્રધાન મનસુખ માંડવીયાએ તેને લઈને જાહેરાત કરી છે.

ગાંધીનગર: કેન્દ્રીય આરોગ્યપ્રધાન મનસુખ માંડવીયાએ (Union Health Minister Mansukh Mandaviya) જાહેરાત કરી કે, દેશના તમામ આંતરરાષ્ટ્રીય એરપોર્ટ ઉપર મુસાફરોના આર.ટી.પી.સી.આર ટેસ્ટ શરૂ કરવામાં આવ્યા છે. જ્યારે આવનારા સમયમાં માસ્ક પણ સમગ્ર દેશમાં ફરજીયાત કરવામાં આવશે. ચીન અને વિશ્વના 10 મોટા દેશોમાં કોરોનાએ હાહાકાર મચાવ્યો છે, ત્યારે ગુજરાત એરપોર્ટની વાત કરવામાં આવે તો ગુજરાતના અમદાવાદ સુરત અને રાજકોટ એરપોર્ટ ઉપર ખાસ સ્ક્રિનિંગની વ્યવસ્થા શરૂ કરવામાં આવી છે.

ગુજરાત ના એરપોર્ટ પર સ્ક્રીનિગ શરૂ:રાજ્યના આરોગ્યપ્રધાન ઋષિકેશ પટેલે (State Health Minister Rishikesh Patel) પણ સ્પષ્ટપણે જણાવ્યું હતું કે, ગુજરાતના અમદાવાદ અને સુરત ઇન્ટરનેશનલ એરપોર્ટ પર વિદેશી પ્રવાસીઓ માટે 100 ટકા થર્મલ સ્ક્રીનીંગ કરવામાં આવશે. આ ઉપરાંત કેન્દ્ર સરકારના દિશા નિર્દેશન મુજબ એરપોર્ટ ઉપર 2 ટકા પેસેન્જરને રેન્ડમ ચેક કરવામાં આવશે, તેમજ સ્વૈચ્છિક રીતે RTPCR માટેની વ્યવસ્થા પણ યાત્રિકોનો સમય ન બગડે તે રીતની કરવામાં આવી છે. જ્યારે ચીન, અમેરિકા, યુરોપ ના દેશોથી આવતા મુસાફરોને ચેક કરવામાં આવશે. જ્યારે તમામ મુસાફરોને પોતાના ઘરે રહેવા હોટેલમાં કોરોન્ટાઇલ રહેવાની ફરજ પાડવામાં આવશે.

રાજ્યમાં ટેસ્ટિંગ અને જીનોમ સિક્વન્સ: ગુજરાતમાં ટેસ્ટીંગની વાત કરવામાં આવે તો રાજ્યના આરોગ્યપ્રધાન ઋષિકેશ પટેલે જણાવ્યું હતું કે, રાજ્યમાં 10,000 જેટલું ટેસ્ટિંગ હાલના તબક્કામાં કરવામાં આવે છે. જ્યારે આવનારા દિવસોમાં આ ટેસ્ટીંગની ક્ષમતા પણ વધારવામાં આવશે. આરોગ્ય સચિવ મનોજ અગ્રવાલે (Health Secretary Manoj Aggarwal) પણ મીડિયા સાથેની વાતચીતમાં જણાવ્યું હતું કે, આજના દિવસોમાં કુલ 5000 જેટલા ટેસ્ટીંગને જીનમ સિક્વન્સમાં મોકલવામાં આવી રહ્યા છે. હજી સુધી બે કેસને બાદ કરતા એક પણ કેસમાં નવો વેરિએન્ટ જોવા મળ્યો નથી.

તમામ હોસ્પિટલમાં મોક ડ્રિલ કરવામાં આવી: ગુજરાતના તમામ સરકારી હોસ્પિટલોમાં કોરોનાની ચોથી લહેરને ધ્યાનમાં લઈને મોક ડ્રિલ પણ યોજવામાં આવી છે કે, જેમાં ઓક્સિજનનો સપ્લાય દવાનો જથ્થો ખાલી પડેલા બેટની સંખ્યા આ તમામ મુદ્દે ઉપર એક ખાસ મોકલી યોજાઈ હતી જ્યારે ઓક્સિજનનો પોતપો સ્ટોક અને સપ્લાય બાબતે પણ અમદાવાદ રાજકોટ સુરત ગાંધીનગર બરોડા જામનગર ભાવનગર સહિત તમામ જિલ્લાની હોસ્પિટલો અને સરકારી સિવિલ હોસ્પિટલમાં ખાસ મોકલી યોજીને તૈયારીઓની સમીક્ષા પણ કરવામાં આવી હતી.

શું કહ્યું કેન્દ્રીય આરોગ્ય પ્રધાને: કેન્દ્રીય આરોગ્ય પ્રધાન મનસુખ માંડવીયાએ જણાવ્યું હતું કે, વિદેશથી આવતા તમામ પ્રવાસીઓ અને મુસાફરો કે જે ચાઇના, જાપાન, કોરિયા, હોંગ કોંગ, અને થાઈલેન્ડથી આવશે તે તમામ મુસાફરોના ફરજીયાત RTPCR ટેસ્ટ (RTPCR test in gujarat airport) કરવામાં આવશે, જ્યારે જો કોઈ મુસાફરને સામાન્ય લક્ષણો પણ જણાશે અને પોઝિટિવ રિપોર્ટ આવશે તો તાત્કાલિક ધોરણે સારવાર આપવામાં આવશે અથવા કોરોન્ટાઇન કરાશે.

અમદાવાદમાં તૈયારીઓ પુરજોશમાં: અમદાવાદ સિવિલ હોસ્પિટલમાં કોરોનાની તૈયારીઓ બાબતે સુપ્રીમ તેન્ડેડ રાકેશ જોષીએ જણાવ્યું હતું કે, સિવિલ હોસ્પિટલમાં મોકડ્રિલ (Ahmedabad Civil Hospital Mock Drill) થઈ ગઈ છે, જ્યારે ICU ના 80 બેડ તૈયાર કરી દેવામાં આવ્યા છે, ઉપરાંત જો પરિસ્થિતિ મુજબ જરૂર પડશે તો 250 ICU બેડ એક જ દિવસમાં ઉભા થઇ શકે તેવું આયોજન કરવામાં આવ્યું છે, ઓક્સિજન પ્લાન્ટ પણ ચેક કરી લેવામાં આવ્યા છે. જ્યારે 27 તારીખે ફરી મોક ડ્રિલ યોજવામાં આવશે.

ગુજરાતમાં કેટલા બેડની વ્યવસ્થા: ગુજરાતમાં બેડની સંખ્યાની વાત કરવામાં આવે તો હાલમાં રાજ્યની સરકારી અને ખાનગી હોસ્પિટલમાં 1,4000 થી વધુ બેડની સુવિધાઓ ઉપલબ્ધ છે અને 15,000 થી વધુ આઈસીયુ અને 9700 જેટલા વેન્ટિલેટર બેડનો પણ સમાવેશ થાય છે.