ગાંધીનગર: રાજ્યમાં કોરોના વાઇરસના આંકડામાં સતત વધારો જોવા મળી રહ્યો છે. 24 કલાકમાં 1068 કેસ સામે આવ્યા છે. જ્યારે કોરોના વાયરસના કારણે છેલ્લા 24 કલાકમાં સારવાર લઈ રહેલા 26 દર્દીનાં મોત થયા છે. રાજ્યમાં કોરના વાયરસના કુલ 53631 પોઝિટિવ કેસ અત્યાર સુધીમાં નોંધાયા છે. જોકે, છેલ્લા 24 કલાકમાં રાજ્યમાંથી આજે 872 દર્દીઓને રજા પણ આપવામાં આવી છે.
24 કલાકમાં કોરોનાના 1068 કેસ ગુજરાત કોરોના વાયરસના કેસમાં ખૂબ જ આગળ વધી રહ્યું છે. રાજ્યમાં છેલ્લા 24 કલાકમાં અમદાવાદ મહાપાલિકા વિસ્તારમાં 161, સુરત મહાપાલિકા વિસ્તારમાં 216, વડોદરા મહાપાલિકા વિસ્તારમાં 70, સુરત 93, રાજકોટ કોર્પોરેશન 46, ભરૂચ 30, અમરેલી 26, બનાસકાંઠા 26, સુરેન્દ્રનગર 25, કચ્છ 22, મહેસાણા 22, વડોદરા 22, ભાવનગર કોર્પોરેશન 21, પાટણ 20, ગીર સોમનાથ 19, નવસારી 19, ભાવનગર, દાહોદ, ગાંધીનગર, વલસાડ 18-18, જુનાગઢ કોર્પોરેશન 17, અમદાવાદ 15, રાજકોટ 13, જુનાગઢ 11, આણંદ 10, તાપી 10, નર્મદા 9, સાબરકાંઠા 9, બોટાદ, ગાંધીનગર કોર્પોરેશન, પંચમહાલ, ખેડા 8-8, અરવલ્લી 7 જામનગર કોર્પોરેશન 7 છોટાઉદેપુર દેવભૂમિ દ્વારકા મહીસાગર 2-2 અને પોરબંદરમાં 1 કેસ સામે આવ્યો છે.જ્યારે 83 દર્દી વેન્ટિલેટર ઉપર રાખવામાં આવ્યાં છે. અત્યાર સુધી 2283 લોકોના મોત થયાં છે. જ્યારે અમદાવાદમાં રાજ્યમાં સૌથી વધુ 25359 કેસ નોંધાયા છે. રાજ્યમાં સૌથી વધુ કેસ પાંચ મહાનગરોમાં સામે આવી રહ્યા છે. સુરત આજે એક દિવસ બાદ રાજ્યમાં ફરીથી પહેલા નંબરે કોરોના કેસમાં રહ્યું છે. સુરત મહાનગરપાલિકા વિસ્તારમાં 216 કેસ સામે આવ્યા છે જ્યારે ગ્રામ્ય વિસ્તારમાં 93 કેસ સામે આવ્યાં છે. 24 કલાકમાં સુરતમાં 309 સામે આવ્યાં છે. જોકે હવે ગ્રામ્ય વિસ્તારોમાં પણ વધુ માત્રામાં કેસ સામે આવી રહ્યા છે.
