દીવના 59માં મુક્તિ દિનની ઉલ્લાસભેર ઉજવણી

દીવ : સંઘ પ્રદેશ દીવના 59માં મુક્તિ દિનને લઈને દીવને નવોઢાની જેમ શણગારવામાં આવ્યું છે. આ નિમિત્તે આગામી 2 દિવસ સુધી દીવમાં વિવિધ કાર્યક્રમોનું આયોજન કરીને મુક્તિ દિવસની ઉજવણી કરવામાં આવશે.

વર્ષ 1961ની 19મી ડિસેમ્બરના દિવસથી દીવ, દમણ અને ગોવાને કેન્દ્ર સરકાર દ્વારા સ્વતંત્ર પ્રદેશ જાહેર કરવામાં આવ્યા હતા, ત્યારથી 19મી ડિસેમ્બરના દિવસે સંઘ પ્રદેશ દીવનો મુક્તિ દિવસ ઉજવવામાં આવે છે. આગામી બે દિવસ સુધી દીવમાં વિવિધ સ્પર્ધાઓ અને સાંસ્કૃતિક કાર્યક્રમનું આયોજન કરવામાં આવ્યું છે. જેમાં દીવના સ્થાનિક લોકોની સાથે અહીં આવતા પ્રવાસીઓ પણ ભાગ લઈને દીવના મુક્તિ દિવસની ઉજવણી કરશે, ત્યારે આજે મુક્તિ દિવસની પૂર્વ સંધ્યાએ દીવને નવોઢાની જેમ શણગારવામાં આવ્યું છે.

દીવની સરકારી કચેરીઓ સાથે દીવના પ્રત્યેક ઘર અને હોટેલો પણ રોશનીની ઝગમગાટ કરવામાં આવી છે. જેને લઈને દીવ આજે એક નવોઢા જેવું લાગી રહ્યું છે. આવતીકાલથી દીવમાં વિવિધ કાર્યક્રમોની યોજાશે જેને લઈને દીવ જિલ્લા વહીવટી તંત્ર દ્વારા તમામ તૈયારીઓને આખરી ઓપ આપવામાં આવ્યો છે.