દેવભૂમિ દ્વારકાઃ જિલ્લાના ખંભાળીયા પોલીસ સ્ટેશનમાં જુગાર રમતા 4 પોલીસ કર્મીઓનો વીડિયો વાઇરલ થયો છે. વીડિયો વાઇરલ થયા બાદ આ ચારેય પોલીસ કર્મચારીઓને સસ્પેન્ડ કરવામાં આવ્યા હતા.
વાઇરલ વીડિયોની જમણી બાજુએ નીચે બેઠેલા આરોપીનો ઓડિયો પણ વાઇરલ થયો હતો. ઓડિયોમાં જુગાર રમતા પોલીસના નામો આપી રહ્યા છે.
આ ઉપરાંત જાણવા મળી રહ્યું છે કે, આરોપીઓ પાસેથી જુગારના ઝડપાયેલા પૈસાથી જ પોલીસ જુગાર રમી રહ્યા છે.
મળતી માહિતી અનુસાર આરોપીઓ પકડાયા ત્યારે 70 હજાર રૂપિયા કબ્જે કર્યા હતા અને પણ ચોપડે ઓછા દેખાડવામાં આવ્યા હતા. ઉપરાંત આરોપીને છોડવા માટે અલગથી 1500-1500 રૂપિયા લીધા હોવાની માહિતી મળી હતી.
સોશિયલ મીડિયામાં વીડિયો વાઇરલ થતા જિલ્લા પોલીસ વડાએ 4 પોલીસ કર્મીને સસ્પેન્ડ કર્યા છે. મહત્વનું છે કે, જુગારમાં પકડાયેલા આરોપીએ જ પોલીસ કર્મીઓનો સોશિયલ મીડિયામાં વીડિયો વાઇરલ કર્યો હોવાની વિગતો બહાર આવી રહી છે.