દેવભૂમિ દ્વારકાના ગ્રામીણ વિસ્તારોમાં ચૂંટણીનો રંગ જામ્યો

સ્થાનિક સ્વરાજની ચૂંટણીને લઈ દેવભૂમિ દ્વારકા જિલ્લાના કલ્યાણપુર તાલુકામાં હાલ તમામ પક્ષો તાલુકા તેમજ જિલ્લા પંચાયતની ચૂંટણી જીતવા એડીચોટીનું જોર લગાવી રહ્યા છે.

• ચૂંટણી જીતવા માટે તમામ પક્ષો લગાવી રહ્યા છે એડીચોટીનું જોર
• કલ્યાણપુર તાલુકામાં ભાજપ અને કોંગ્રેસ સાથે આમ આદમી પાર્ટીએ પણ પોતાના ઉમેદવારો મેદાનમાં ઉતાર્યા
• આપ દ્વારા ગ્રામીણ વિસ્તારોમાં પ્રચાર અભિયાન તેજ

દેવભૂમિ દ્વારકાઃ સ્થાનિક સ્વરાજની ચૂંટણીને લઈ દેવભૂમિ દ્વારકા જિલ્લાના કલ્યાણપુર તાલુકામાં હાલ તમામ પક્ષો તાલુકા તેમજ જિલ્લા પંચાયતની ચૂંટણી જીતવા એડીચોટીનું જોર લગાવી રહ્યા છે. તાલુકામાં ભાજપ અને કોંગ્રેસ સાથે આમ આદમી પાર્ટીએ પણ પોતાના ઉમેદવારો મેદાનમાં ઉતાર્યા છે. ભાજપ અને કોંગ્રેસ માટે આ સ્વરાજની ચૂંટણી વટનો સવાલ બની છે, ત્યારે આમ આદમી પાર્ટીએ આ બંને પાર્ટીઓ વચ્ચે કૂદકો લગાવતા પરિણામો આશ્ચર્યજનક આવે તેવા એંધાણ હાલ વર્તાઈ રહ્યા છે.

લાંબા બેઠક પર હાલ ત્રિપાખીયો જંગ

લાંબા બેઠક પર હાલ ત્રિપાખીયો જંગ છે. ભાજપ, કોંગ્રેસ અને આમ આદમી પાર્ટી આ સીટ જીતવા એડી ચોંટીનું જોર લગાવી રહ્યા છે, ત્યારે આમ આદમી પાર્ટી આ સીટ પર જીતનો વિશ્વાસ વ્યક્ત રહી છે. હાલ આમ આદમી પાર્ટી દ્વારા ગ્રામીણ વિસ્તારોમાં પ્રચાર અભિયાન તેજ કરવામાં આવ્યું છે.