દ્વારકાધીશ મંદિરમાં આતંકવાદી ઘુસ્યાની અફવા, તપાસમાં મોક ડ્રીલનો ખુલાસો

ગુજરાતના દરિયાઇ સરહદથી આવેલું પ્રખ્યાત યાત્રાધામ દ્વારકાધીશ મંદિરમાં ભવિષ્યમાં ક્યારેય કોઇ આતંકવાદી ઘૂસી ન જાય અને આવા બનાવો ન બને તે માટે દેવભૂમિ દ્વારકા જિલ્લા પોલીસ અને SOGની ટીમ દ્વારા એક પ્રેક્ટિસ મોક ડ્રીલ રાખવામાં આવી હતી.

દેવભૂમિ દ્વારકાઃ બપોરે બાર વાગ્યા બાદ દ્વારકાધીશ મંદિરમાં ત્રણ આતંકવાદી ઘૂસ્યા હોવાની દેવભૂમિ દ્વારકા જિલ્લા પોલીસ અને SOGની ટીમને જાણ થતાં ટીમ તમામ હથિયારો સાથે મંદિરમાં પહોંચી હતી અને મંદિરને સઘન ચેકિંગ કરી અને આતંકવાદી સાથે મૂડ ભેડમાં એક આતંકવાદીને ઠાર માર્યો અને બે આતંકવાદીઓને જીવતા પકડી પાડયા હતા.

આ સમગ્ર ઘટના પાછળથી દેવભૂમિ દ્વારકા જિલ્લા પોલીસ દ્વારા મોટ ડ્રિલ હોવાની માહિતી આપી હતી, તેમજ ભવિષ્યમાં આતંકવાદી હુમલા વખતે કોઈ ચૂક ન જાય તે અંગે મોકડ્રીલ દરમિયાન કઈ કઈ બાબતોની ધ્યાન પર લેવી તે અંગે તમામ જવાનોને અગત્યની સૂચના આપવામાં આવી હતી.