Shani Amavasya : પ્રાચીન શનિ મંદિરે શનિવાર સાથે અમાસના સંયોગની ધામધુમ પૂર્વક ઉજવણી

દેવભૂમિ દ્વારકાના હાથલા મુકામે શનિ અમાસને લઈને શનિદેવના મંદિરમાં ધામધુમ પૂર્વક ઉજવણી જોવા મળી છે. સમગ્ર દેશમાંથી આવેલા ભક્તો વહેલી સવારથી જ દર્શન કરવા માટે કતારમાં જોવા મળ્યા હતા. માનવામાં આવે છે, શનિદેવ મંદિરના અવશેષો 1500 વર્ષથી પણ જુના છે. (Shani Amavasya 2023)

દેવભૂમિ દ્વારકા :આજરોજ શનિ અમાસને લઈને સમગ્ર દેશની સાથો સાથ દેવભૂમિ દ્વારકાના ભાણવડ તાલુકાના હાથલા મુકામે આવેલા પ્રાચીન શનિ મંદિરે શનિવાર અને સાથે અમાસના સંયોગની ધામધૂમ પૂર્વક ઉજવણી કરવામાં આવી રહી છે. દેવભૂમિ દ્વારકા જિલ્લામાં ભાણવડ નજીકનું હાથલા ગામે શનિદેવનું પ્રાગટય સ્થળ માનવામાં આવે છે. જે રીતે શનિદેવનું જન્મસ્થાન શિંગળાપુર માનવામાં આવે છે, તે જ રીતે ગુજરાતના આ ગામમાં શનિદેવ પ્રગટ્યા હતા. રાજ્યના પ્રધાનોથી લઈને સામાન્ય માણસનો સાગર સમાન પ્રવાહ શનિ અમાસના દિવસે આ ગામે પહોંચે છે. અહીંયા ભગવાન શનિદેવ મંદિરના પટાંગણમાં જ શનિકુંડ આવેલો છે.

ઐતિહાસિક સ્થળે વહેલી સવારથી ભક્તોની લાઈન : આજરોજ શનિવાર અને અમાસને લઈને આ ઐતિહાસિક સ્થળે વહેલી સવારથી જ સમગ્ર દેશમાંથી શનિભકતો ઉમટી પડયા હતા. તેમજ શનિદેવના દર્શન માટે વહેલી સવારથી જ ભક્તોની લાંબી કતારો લાગી હતી. ફક્ત ગુજરાતના જ નહીં, પરંતુ ભારતભરમાંથી આવેલા દર્શનાર્થીઓ શનિદેવની કૃપા પ્રાપ્ત કરી દૂર-દૂરથી ભક્તોએ અહીં આવીને પોતાની મનોકામના માટે પ્રાર્થના કરી રહયા હતા.

આ પણ વાંચો :દ્વારકામાં 'દેવભૂમિ કોરિડોર' હેઠળ ભગવાન કૃષ્ણની સૌથી ઊંચી પ્રતિમા બનશે

પનોતી દેવીની પ્રતિમા : અહીં શનિદેવની સાથો સાથ નવ ગ્રહ તેમજ પનોતી દેવીની પણ પ્રતિમા આવેલ છે અને એક માન્યતા મુજબ લોકો પોતાની પનોતી ઉતારવા અહીં પોતાના પહેરેલા ચંપલ મૂકી જતા હોય છે. તો અહીં આવેલા પવિત્ર કુંડના પાણીથી સ્નાન કરી શ્રદ્ધાળુઓ શનીદેવની કૃપા પ્રાપ્ત કરતા જોવા મળ્યા હતા.

આ પણ વાંચો :ઓહો! 450 કિમીની યાત્રા કરીને વ્યકિત તો ઠીક ગાયનું ધણ પર દ્વારકા આવ્યું

શનિદેવ મંદિરના અવશેષો 1500 વર્ષ જુના : એવું માનવામાં આવે છે કે, દ્વારકાના હાથલામાં શનિદેવ મંદિરના અવશેષો 1500 વર્ષથી પણ જુના છે. તો અહીં આવેલા ભક્તો શનિદેવતાની કૃપા પ્રાપ્ત કરવા શનિદેવને તેલ, અડદ, કાળું કપડું, લોખંડ ધરી પૂજા અર્ચના કરી રહ્યા હતા. આજરોજ શનિ અમાસ હોય જેને લઈને અંદાજે 10 હજારથી વધુ ભક્તો અહીં પહોંચી રહ્યા છે અને વહેલી સવારે ત્રણ વાગ્યાથી જ લાંબી કતારો લાગી હતી. તો આ તકે ધર્મપ્રેમી લોકો દ્વારા પ્રસાદ રૂપી ભોજનની પણ વ્યવસ્થા કરવામાં આવી હતી.