- દ્વારકા દર્શન કરીને પરત ફરતાં મહેસાણાના દંપતિ સહિત 4 લોકોના મોત
- દંપતિના બે દિવસ પહેલાં જ લગ્ન થયા હતા
- અકસ્માત બાદ ટ્રક ચાલક ફરાર
દેવભૂમિ દ્વારકા : મહેસાણાથી દ્વારકા દર્શન કરી પરત ફરી રહેલા યાત્રાળુઓ દ્વારકા નજીકના નવી ધ્રેવાડ ગામ પાસે પહોંચતા સામેથી આવતો ટ્રક અને કાર વચ્ચે ધડાકાભેર અકસ્માત થયો હતો. જેમાં ત્રણ યુવાનોના ઘટના સ્થળે જ મોત થયા હતા. આ અકસ્માતમાં એક મહિલા ગંભીર જણાતા 108 દ્વારા દ્વારકા સરકારી હોસ્પિટલમાં ખસેડવામાં આવ્યા હતા, પરંતુ માર્ગમાં જ તેનું અવસાન થતાં કુલ મૃત્યુઆંક 4 થયો હતો. અકસ્માત સર્જી ટ્રક ચાલક પલાયન થઇ ગયો હતો.
મહેસાણાનો પરિવાર દ્વારકા દર્શન કર્યા બાદ પરત ફરતા સમયે સર્જાઈ દુર્ઘટના
અક્સ્માત દ્વારકા નજીકના નવી ધ્રેવડ ગામ પાસે થયો છે. અકસ્માતની જાણ થતા દ્વારકા પોલીસ અને દ્વારકા 108ની ટીમ દોડી ગઈ જેમાંથી એક મહિલા દ્વારા સરકારી હોસ્પિટલ ખસેડાતા માર્ગ મહિનાનું મૃત્યુ થયું હોવાનું દ્વારકા સરકારી હોસ્પિટલના ડૉક્ટરો દ્વારા જણાવવામાં આવ્યું હતું. મહેસાણાનો આ પરિવાર દ્વારકા દર્શન કરીને વતન પરત ફરી રહ્યા હતો, તે સમયે આ માર્ગ દુર્ઘટના સર્જાઈ હતી.