પડતર માંગણીઓ સંદર્ભે મહેસુલ વિભાગના કર્મચારીઓની હડતાલ

ડાંગઃ જિલ્લાના મુખ્ય મથક આહ્વા ખાતે મહેસૂલ વિભાગના કર્મચારીઓ માસ સીએલ પર ઉતર્યા હતા. પોતાની પડતર માંગણીઓના મુદ્દે સરકાર દ્વારા કોઈ હકારાત્મક વલણ ન દાખવતાં તમામ મહેસુલ કર્મચારીઓ અને કારકુન હડતાલ પર ઉતર્યા છે.

ડાંગ જિલ્લાના મુખ્ય મથક ખાતે આજે મહેસુલ વિભાગના તમામ કર્મચારીઓ અને કારકુન માસ સીએલ પર ઉતર્યા હતા. મહેસુલ વિભાગ દ્વારા પરિપત્ર બહાર પાડીને કર્મચારીઓના પ્રશ્નોની સરકારને જાણ કરાઈ છે. મંગળવારે આહ્વામાં મહેસુલી કર્મચારીઓના પડતર પ્રશ્નો બાબતે સરકારની કક્ષાએ કર્મચારીઓમાં બઢતી, બદલી અને અન્ય પાયાના પ્રશ્નો બાબતે માસ સીએલ ચાલી રહી છે.

મહેસુલ વિભાગના નાયબ મામલતદાર હીરામણભાઈ ગવળીએ જણાવ્યું હતું કે 23 ઓગસ્ટ 2019ના રોજ સરકાર દ્વારા તેઓના 17 પ્રશ્નોની માંગણીનો પ્રત્યુત્તર આપ્યો છે, પરંતુ સરકાર દ્વારા હકારાત્મક વલણ ન દાખવતાં હડતાલ ચાલું રાખવાની ચીમકી આપવામાં આવી છે.મહેસુલ કર્મચારીઓના પ્રશ્નોનું નિરાકરણ અને તેઓની માંગણીઓનો સંતોષ પૂર્વક જવાબ ન મળતાં આગામી 29 ઓગસ્ટ 2019ના રોજ અચોક્કસ મુદ્દતની હડતાલ પર ઉતરવાની ધમકી આપી છે.