2018 માં જકાર્તા ખાતે રમાવામાં આવેલી એશિયન ગેમમાં ગોલ્ડ મેડલ મેળવી વિદેશની ધરતી ઉપર ભારતની સાથે ગુજરાત અને સમગ્ર ડાંગ જિલ્લાનું નામ રોશન સરિતા ગાયકવાડે કર્યું છે. તેણે ફરી એક વખત પોલેન્ડમાં રમવામાં આવી રહેલી યુરોપ એથ્લેટીક્સ 2019માં ભાગ લીધો હતો જેમાં 400 મીટર મહિલા દોડમાં અન્ય પ્રતિસ્પર્ધીને પાછળ રાખી 54.21 સેકન્ડમાં લક્ષ પૂરો કર્યો હતો. સરિતા એ મેળવેલ સિદ્ધિ બદલ તેના પરિવારમાં ખુશીનો માહોલ છવાયો છે.તેના માતાપિતાએ દીકરી વધુને વધુ પ્રગતિ કરે તેવી શુભકામના પાઠવી હતી.
ડાંગની ગોલ્ડન ગર્લ સરિતા ગાયકવાડ રાજ્યના અતિ છેવાડાના ડાંગ જિલ્લાના કરાડીઆંબા ગામથી ખેલમહાકુંભના રમતોત્સવ થકી નેશનલ કક્ષાએ એથ્લેટિકસમાં ઉજળો દેખાવ કરનારી કુ.સરિતા ગાયકવાડે ગત વર્ષે આંતરરાષ્ટ્રીય કક્ષાએ એશિયન એથ્લેટિકસ દોડની રમતમાં ભાગ લઇ દેશને પ્રથમ ગોલ્ડ મેડલ અપાવ્યો હતો.બંદૂકમાંથી ગોળી છૂટે તે રીતે રનીંગ ટ્રેક ઉપર દોડતી આ યુવતીએ 2017ના જાન્યુઆરી માસમાં કોઇમ્બછતૂર ખાતે યોજાયેલી 400 મીટર, અને 400 મીટર હડલ્સંમાં ઉત્કૃાષ્ટત દેખાવ કરીને યુનિવર્સિટીને ગૉલ્ડસ મેડલ અપાવ્યો હતો.
ડાંગ જિલ્લાની દીકરીએ ફરી એકવાર આદિવાસી સમાજ અને પોતાના વિસ્તારનું નામ રોશન કર્યું છે. ત્યારે સરિતાનું ઉમળકાભેર સ્વાગત કરવા લોકો આતુર બન્યા છે. ઉલ્લેખનીય છે કે ગરીબ પરિવારમાં ઉછેરેલી સરિતા ગાયકવાડ પોતાની મહેનતે રમત ક્ષેત્રે આગળ આવી છે. જેના ઘરે ભૌતિક સુવિધાનો અભાવ જોવા મળે છે, જોકે સરકારી અગાઉ સરકાર દ્વારા મળવ્યા બાદ ચોક્કસ તેનુંજીવન બદલાયું છે અને આગામી સપ્ટેમ્બર માસમાં સરિતા વતન આવશે ત્યારે નવાઘરનો પાયો નાખશે તેવી તેના પિતાએ વાત કરી હતી.
