ડાંગઃ કોરોના વાઇરસના સંક્રમણને નાથવા પી.એમ મોદીના 21 દિવસના લોકડાઉનનું અમલીકરણ પોલીસ દ્વારા ચુસ્તપણે કરવામાં આવી રહ્યું છે. ડાંગ પોલીસ દ્વારા ગ્રામ વિસ્તારોમાં સતત પેટ્રોલીંગ કરવામાં આવી રહ્યું છે.
વડાપ્રધાન મોદીના લોકડાઉનની પહેલને અહીં સ્વૈચ્છાએ લોકો તેનું અમલીકરણ કરી રહ્યા હોવાનું જોવા મળ્યુ છે. છતાં પણ પોલીસ તંત્ર દ્વારા સતત ગ્રામ્ય વિસ્તારોમાં પેટ્રોલીંગ કરવામાં આવી રહ્યું છે. ગ્રામ્ય વિસ્તારના લોકોને પોલીસ ઘરમાં જ રહેવાની સૂચના આપે છે અને કોરોના વાઇરસ વિશેની સાવચેતી કઈ રીતે રાખી શકાય તે માટેની માહિતી લોકોને આપે છે.
ડાંગ પોલીસ દ્વારા લોકડાઉનનો ચુસ્તપણે થઈ રહ્યો છે અમલ શહેરના શેરી કે નાકાઓ પર 24 કલાક હોમગાર્ડ તૈનાત કરવામાં આવ્યાં છે. કરિયાણા કે શાકભાજી અથવા બેંક વગેરે જગ્યાએ પોલીસના જવાનો દ્વારા ખડેપગે ઊભાં રહીને લોકોને સોશિયલ ડિસ્ટનસિંગ જાળવે તે માટે ધ્યાન રાખવામાં આવી રહ્યું છે.
ડાંગ પોલીસ દ્વારા લોકડાઉનનો ચુસ્તપણે થઈ રહ્યો છે અમલ ડાંગમાં લોકડાઉનનો ઉલ્લંઘન કરનાર ખુદ પોલીસ અધિકારીઓ પર પણ જિલ્લા પોલીસ વડા એસ.પી.સ્વેતા શ્રીમાળીએ કાર્યવાહી કરી હતી. જાહેરનામાનો ભંગ કરનાર ડાંગના કુલ 221 લોકો પર IPC કલમ 188 અને CPG 135 મુજબ કડક કાર્યવાહી કરવામાં આવી છે. સાથે જ 42 વાહનોને ડિટેન કરવામાં આવ્યાં છે.
જિલ્લામાં લોકડાઉનની અમલીકરણ બાદ પોલીસની કામગીરી વિશે સાપુતારા પોલીસ મથકના પી.એસ.આઈ એમ.એલ. ડામોરએ જણાવ્યું હતું કે, પોલીસ દ્વારા ગ્રામ્ય વિસ્તારોમાં સતત પેટ્રોલીંગ કરવામાં આવી રહ્યું છે. સાથે જ કોરોના વાઈરસના રોગ વિશેની માહિતી અને તેનાથી બચવા શું તકેદારી રાખવી જોઈએ તે વિશેની માહિતી આપવામાં આવે છે.
