ડાંગમાં કલેક્ટરે વેક્સિનેશનની કામગીરીની સમીક્ષા કરી, વેક્સિનેશનના કાર્યક્રમને રિશિડ્યુલ કરી નવો કાર્યક્રમ જાહેર

ડાંગ જિલ્લાને કોરોનામુક્ત બનાવવા માટે જિલ્લા વહીવટી તંત્ર કામ કરી રહ્યું છે. હાલમાં વેક્સિન અને ટેસ્ટિંગ એ અમોઘ શસ્ત્ર છે તેવું ડાંગ જિલ્લાના કલેક્ટર ભાવિન પંડ્યાએ જણાવ્યું હતું. જિલ્લામાં વેક્સિનેશન માટેના કાર્યક્રમને રિશિડ્યુલ કરીને નવો કાર્યક્રમ જાહેર કરવામાં આવ્યો છે.

• ડાંગને કોરોનામુક્ત બનાવવા જિલ્લા વહીવટી તંત્રની કામગીરી
• કોરોના સામેની લડાઈમાં વેક્સિન અને ટેસ્ટિંગ અમોઘ શસ્ત્ર
• જિલ્લામાં વેક્સિનેશનના કાર્યક્રમને રિશિડ્યુલ કરી નવો કાર્યક્રમ જાહેર કર્યો

ડાંગઃ જિલ્લાને કોરોનામુક્ત કરવા વહીવટી તંત્ર કામ કરી રહ્યું છે. ત્યારે જિલ્લાને કોરોનામુક્ત બનાવવા માટે વેક્સિન અને ટેસ્ટિંગ બંને અમોઘ શસ્ત્ર છે તેવું જિલ્લા કલેક્ટર ભાવિન પંડ્યાએ જણાવ્યું હતું. જિલ્લામાં વેક્સિનેશન માટેના કાર્યક્રમને રિશિડ્યુઅલ કરીને નવો કાર્યક્રમ જાહેર કરવામાં આવ્યો છે.

ડાંગને કોરોનામુક્ત બનાવવા જિલ્લા વહીવટી તંત્રની કામગીરી

આ પણ વાંચોઃ'મારુ ગામ કોરોના મુક્ત ગામ' અભિયાન - વાડલામાં સરકારની ઉદાસીનતા આવી સામે

જિલ્લામાં કલેકટરે વેક્સિનેશન માટે વિશેષ ધ્યાન કેન્દ્રિત કરાયું

જિલ્લામાં વેક્સિનેશન માટેના કાર્યક્રમને રિશિડ્યુલ કરીને નવો કાર્યક્રમ જાહેર કરાયો છે. જિલ્લામા 20 મેથી 31 મે 2021 સુધી આયોજિત વેક્સિનેશનની સ્પેશિયલ ડ્રાઈવ અંતર્ગત રવિવારે ગલકુંડ પ્રાથમિક આરોગ્ય કેન્દ્રની મુલાકાતે ગયેલા કલેક્ટર પંડ્યાએ, વેક્સિનેશનના કાર્યક્રમનો વધુમાં વધુ લાભાર્થીઓ લાભ લે તે માટે ગ્રામ્ય કર્મચારીઓ અને પદાધિકારીઓએ વ્યાપક જનજાગૃતિ કેળવવી પડશે તેમ જણાવ્યું હતું.
આ પણ વાંચોઃધોલેરા તાલુકાનું ગાંફ ગામ બન્યુ કોરોના મુક્ત ગામ

જિલ્લામાં વેક્સિનેશનના કાર્યક્રમને રિશિડ્યુલ કરી નવો કાર્યક્રમ જાહેર કર્યો

PHC પિમ્પરી, ગલકુંડ, સાકરપાતળ, અને શીંગાણા વેકસીનેસન ડ્રાઇવ યોજાશે

20 મેથી શરૂ થયેલા આ કાર્યક્રમ અનુસાર 25 મેએ પ્રાથમિક આરોગ્ય કેન્દ્ર પિમ્પરી, ગલકુંડ, સાકરપાતળ અને શીંગાણા ખાતે વેક્સિનેશનની કામગીરી હાથ ધરાશે, જેની પાત્રતા ધરાવતા પ્રજાજનોને મોટી સંખ્યામાં લાભ લેવા જિલ્લા તંત્રએ અનુરોધ કર્યો છે.

કલેક્ટરની મુલાકાત દરમિયાન જિલ્લાના અધિકારીઓ ઉપસ્થિત રહ્યા

કલેક્ટર ભાવિન પંડ્યાની ગલકુંડ મુલાકાત વખતે તેમની સાથે નિવાસી અધિક કલેક્ટર ટી. કે. ડામોર, પ્રાન્ત અધિકારી કાજલ ગામિત, આહવાના મામલતદાર ધવલ સંગાડા, કોવિડ-19ના આહવા તાલુકાના નોડલ શિવાજી તબિયાડ, જિલ્લા રોગચાળા નિયંત્રણ અધિકારી ડો. ડી. સી. ગામિત સહિતના ગલકુંડ ગ્રામ પંચાયતના સરપંચ, અને સભ્યો વિગેરે ઉપસ્થિત રહ્યા હતા.