- ડાંગજિલ્લામા મંગળવારના રોજ 6 પોઝિટિવ કેસ નોંધાયા
- બે દર્દીઓ કોરોનામુક્ત થતા તેમને ડિસ્ચાર્જ કરાયા
- કોરોના સંક્રમણને કારણે 1 વ્યક્તિનું મોત
ડાંગ : જિલ્લા રોગચાળા નિયંત્રણ અધિકારી ડૉ. ડી. સી. ગામીત તરફથી મળેલી વિગતો અનુસાર ડાંગજિલ્લામાં કુલ 682 કેસ નોંધાયા છે. જેમાંથી 535 દર્દીઓને ડિસ્ચાર્જ કરવામાં આવ્યા છે. જ્યારે હાલ 47 એક્ટિવ કેસ છે. એક્ટિવ કેસ પૈકી 9 દર્દીઓ આહવા સિવિલ હોસ્પિટલમાં, 1 દર્દી કોમ્યુનીટી કોવિડ કેર સેન્ટર(સેવાધામ) ખાતે, અને 37 દર્દીઓને હોમ આઇસોલેશનમાં સારવાર મેળવી રહ્યા છે.
આ પણ વાંચો -Dang Corona Update : 24 કલાકમાં નવા 7 કેસ નોંધાયા, 4 દર્દીઓ સ્વસ્થ થતા અપાઈ રજા
ડાંગ જિલ્લામાં35 કન્ટેનમેન્ટ ઝોન, 34 બફર ઝોન નિયત કરાયા
Dang Corona Update - કોરોના સંક્રમણને અટકાવવા માટે ડાંગ જિલ્લા વહીવટી તંત્ર દ્વારા આજની તારીખે 575 વ્યક્તિઓને હોમ ક્વોરેન્ટાઇન કરવામાં આવ્યા છે, જ્યારે 10,809 વ્યક્તિઓના હોમ ક્વોરેન્ટાઇન પૂર્ણ થયા છે. ડાંગ જિલ્લામાં હાલ કુલ 35 કન્ટેઇનમેન્ટ ઝોન નિયત કરવામાં આવ્યા છે. જેમાં 127 ઘરોમાં 468 વ્યક્તિઓને ક્વોરેન્ટાઇન કરવામાં આવ્યા છે, જ્યારે 34 બફર ઝોનમાં 216 ઘરોમાં 892 લોકોને ક્વોરેન્ટાઇન કરવામાં આવ્યા છે.
આ પણ વાંચો -Dang Corona Update :24 કલાકમાં 10 પોઝિટિવ કેસ નોંધાયા, 9 દર્દીઓને ડિસ્ચાર્જ