ડાંગ : જિલ્લાના તમામ 3 કોરોના પોઝિટિવ કેસોના રીપોર્ટ નેગેટીવ આવતા સોમવારે ડાંગ જિલ્લો કોરોનામુક્ત બન્યો છે. વિશ્વવ્યાપી કોરોનાના હાહાકાર વચ્ચે ડાંગ જિલ્લો કોરોનામુક્ત થઇ ગ્રીન ઝોનમાં પ્રવેશ થતા કલેકટર એન.કે. ડામોરે કોરોના વોરિયર્સ જિલ્લા વહીવટીતંત્ર, આરોગ્ય, પોલીસ સહિત તમામ ટીમને અભિનંદન આપ્યા હતા.
ડાંગમાં કોવિડ- 19 અંતર્ગત કમાન્ડ એન્ડ કંટ્રોલરૂમ શરૂ કરાયો - gujarat lock down impact
ડાંગ જિલ્લાના મુખ્ય મથક આહવા જૂની કલેકટર કચેરીના કંપાઉન્ડ આહવા ખાતે સોમવારે કલેકટર એન.કે.ડામોર, જિલ્લા વિકાસ અધિકારી એચ.કે.વઢવાણિયા, અધિક જિલ્લા આરોગ્ય અધિકારી ર્ડા.સંજય શાહ,ડિઝાસ્ટર મામલતદાર જયેશ પટેલની ઉપસ્થિતિમાં કોવિડ-19 કમાન્ડ એન્ડ કંટ્રોલરૂમનો પ્રારંભ કરવામાં આવ્યો હતો.
ડાંગ: કોરોના વાઇરસ કોવિડ- 19 અંતર્ગત કમાન્ડ એન્ડ કંટ્રોલરૂમ શરૂ કરાયો
અગાઉ પોઝિટીવ આવેલા બે દર્દીઓ ડાંગનાજ આઇસોલેશન વોર્ડમાં સાજા થઇ ગયા બાદ સોમવારે કોરોનાના ત્રીજા દર્દી પલ્લવીબેન મોહનભાઇ લાખને પણ કોરોનાને માત આપી હતી. જેથી ડાંગ જિલ્લો કોરોનામુક્ત બન્યો છે. કલેકટરે વધુમાં જણાવ્યું હતું કે, કોરોના વાઇરસના સંક્રમણને અટકાવવા માટે ગ્રામ્ય કક્ષાએ લોકોએ જાગૃત બનવુ જોઇએ.
કોરોના વાઇરસની ગંભીરતા જોતા સોસિયલ ડિસ્ટન્સનો કડક અમલ થાય તે પણ જરૂરી છે. વધુમાં દરેક ગામોના સરપંચઓએ સજાગ બની પોતાના ગામમાં જિલ્લા કે રાજ્ય બહારથી આવનાર વ્યક્તિઓના નામ રજીસ્ટર બનાવી નોંધણી કરવી જોઇએ. જેથી સરકારની ગાઇડલાઇન મુજબ હોમ કવોરન્ટાઇનની સંપૂર્ણ અમલવારી કરી શકાય. ડિઝાસ્ટર મામલતદાર જયેશભાઇ પટેલે જણાવ્યું હતું કે, કમાન્ડ એન્ડ કંટ્રોલરૂમ કોવિડ-19ના પ્રારંભ થવાથી કોરોનાને લગતી જાણકારી ફોન નં.૦૨૬૩૧-૨૨૦૩૪૭ પર મળી રહેશે.