- વઘઇનાં જંગલ વિસ્તારમાં 12 કાગડાના થયા હતા મોત
- જેમાંથી 4 કાગડાના મૃતદેહને તપાસ અર્થે ભોપાલ મોકલાયા
- બર્ડ ફલૂના કારણે એક કાગડાનું મોત
- બર્ડ ફલૂ આવતાની સાથે તંત્ર થયું એલર્ટ
ડાંગ : જિલ્લાના પ્રવેશદ્વાર વઘઇમાં સરકારી ખેતીવાડી હાઈસ્કૂલની સામેની તરફ જંગલ વિસ્તારમાં 12 કાગડાઓના મોત નિપજ્યા હતા. આ ઉપરાંત સાકરપાતળમાં 2 કાગડાઓના મોત નિપજ્યા હતા. કાગડાઓના અચાનક મોત થતાં તંત્ર હરકતમાં આવ્યું હતું.
પશુપાલન વિભાગ દ્વારા મળતી માહિતી મુજબ વૈશ્વિક મહામારી કોરોના બાદ બર્ડ ફ્લૂના એંધાણ સાથે જિલ્લાના પ્રવેશદ્વાર વઘઇ જંગલ વિસ્તારમાં કાગડા મૃત હાલતમાં મળી આવતા તંત્ર હરકતમાં આવ્યૂ હતું. વઘઇ તાલુકા મામલતદાર, પશુપાલન અધિકારી, અને વન વિભાગ દ્વારા સંયુક્ત ઓપરેશન હાથ ધરી નજીકના પોલટ્રી ,મરઘાં ઉછેર,અને પશુપાલન વ્યવસાય સાથે જોડાયેલા તમામની મુલાકાત લઈ સર્વે હાથ ધરવામાં આવ્યો હતો.
ડાંગ જિલ્લામાં બર્ડ ફલૂનો પગ પેસારો, 1 કાગડામાં બર્ડ ફ્લુનો રિપોર્ટ પોઝિટિવ