- ડાંગના આમસરવળન ગામ નજીકનો બનાવ
- પિકઅપ વાન પલટી ખાઇ ગઇ
- વાનમાં ગાય અને વાછરડાંને કતલખાને લઇ જવામાં આવી રહ્યાં હતાં ડાંગ
ડાંગ: પ્રાપ્ત વિગતો અનુસાર આમસરવળન ગામ તરફથી પશુઓ ભરી જનાર પિકઅપ વાનના ચાલકે સ્ટેયરીંગ પરથી કાબુ ગુમાવી દેતા વળાંક પાસે આ પિકઅપ વાન પલ્ટી મારી ગઈ હતી. જેમાં એક ગાય અને વાછરડાને ગંભીર ઇજાઓ પહોંચી હતી. આ ઘટનાની જાણ આહવા પોલીસની ટીમને થતા આહવા પોલીસ મથકનાં PSI જયેશભાઇ.એસ.વળવી સહિતની પોલીસ ટીમ તુરંત જ ઘટનાસ્થળે પહોંચી જઇ ગંભીર રીતે ઘાયલ થયેલા પશુઓને દવાખાનામાં સારવાર માટે ખસેડવાની તજવીજ હાથ ધરી હતી. જ્યારે પિકઅપ વાનચાલક ગાડી અકસ્માતની જગ્યાએ જ છોડીને નાસી છૂટ્યો હતો. હાલમાં આહવા પોલીસની ટીમે આ અજાણ્યા ડ્રાઈવર વિરુદ્ધ ગુનો દાખલ કરી પિકઅપ વાનને પોતાના કબ્જામાં લીધી છે.