ડાંગઃ જિલ્લાની આહવા પોલીસની ટીમે આહવા નગરમાં વરલી મટકા જુગાર રમાડતા એક ઇસમની ધરપકડ કરી કાયદેસરની કાર્યવાહી હાથ ધરી છે. પ્રાપ્ત વિગતો અનુસાર ડાંગ જિલ્લા પોલીસ વડા રવિરાજસિંહ જાડેજા અને નાયબ પોલીસ અધિક્ષક જે. આઈ. વસાવાનાં માર્ગદર્શન હેઠળ ગુરુવારના રોજ આહવા પોલીસ મથકના PSI પી. એમ. જુડાલ સહિત પોલીસ ટીમે આહવા નગરમાં સઘન પેટ્રોલીંગ હાથ ધર્યુ હતુ.
પેટ્રોલીંગ દરમિયાન આહવા નગરનાં પેટ્રોલ પંપ પાસે આવેલી દીવાલની પાછળ હાર જીતનો પૈસા વડે જુગાર રમાડતો હોવાની બાતમી મળી હતી. આહવા PSI પી. એમ. જુડાલ સહિત પોલીસની ટીમે બાતમીવાળા સ્થળે રેડ કરતા દીવાલની આડમાં લીલા કલરની નેટ બાંધેલી જગ્યાએ એક ઇસમ મળી આવ્યો હતો.