ડાંગ જિલ્લામાં બુધવારે કોરોનાના નવા 6 પોઝિટિવ કેસ નોંધાયા

ડાંગ જિલ્લામા આજે બુધવારે કોરોના વાઇરસના નવા છ કેસ નોંધાયા છે. જેની સામે 9 દર્દીઓ સાજા થતાં તેમને રજા આપવામા આવી છે. જિલ્લામાં હાલ 62 એક્ટિવ કેસો છે.

• જિલ્લામાં 6 પોઝિટિવ કેસો સામે આવ્યાં
• જિલ્લામાં કુલ મોતનો આંકડો 6 ઉપર પહોંચ્યો છે.
• કુલ કોરોનાં દર્દીઓની સંખ્યા 293 થઇ

ડાંગઃજિલ્લાના અધિક જિલ્લા આરોગ્ય અધિકારી ડો. સંજય શાહ તરફથી મળેલી વિગતો અનુસાર જિલ્લામા કુલ 293 કેસો નોંધાઇ ચુક્યા છે. જે પૈકી 231 દર્દીઓને રજા અપાઈ છે. જ્યારે 14 એપ્રિલ સુધી 62 કેસો એક્ટિવ છે. એક્ટિવ કેસો પૈકી 12 દર્દીઓ આહવાની સિવિલ હોસ્પિટલમાં, 6 દર્દીઓ ડેઝિગ્નેટેડ કોવિડ હેલ્થ સેન્ટર (આયુર્વેદિક હોસ્પિટલ) અને 44 દર્દીઓને હોમ આઇસોલેશનમા રાખવામા આવ્યા છે. જિલ્લામાં કોરોનાં કારણે 6 વ્યક્તિઓના મોત થયા છે. કોરોના સંક્રમણને અટકાવવા માટે જિલ્લા વહીવટી તંત્ર દ્વારા 891 વ્યક્તિઓને હોમ ક્વોરેન્ટાઈન કરાયા છે. જ્યારે 7,323 વ્યક્તિઓના હોમ ક્વોરેન્ટાઈનનો સમય પૂર્ણ થયા છે.

આ પણ વાંચોઃ મનપા સંચાલિત હોસ્પિટલને સંપૂર્ણ કોવીડ-19માં ફેરવાઈ

જિલ્લામા કુલ 68 કન્ટેઈનમેન્ટ ઝોન (એક્ટિવ) નિયત કરાયા

જિલ્લામા કુલ 68 કન્ટેઈનમેન્ટ ઝોન (એક્ટિવ) નિયત કરાયા છે. જેમા 277 ઘરોને આવરી લઈ 1,209 વ્યક્તિઓને ક્વોરેન્ટાઈન કરાયા છે. જ્યારે 65 બફર ઝોન (એક્ટિવ)માં 464 ઘરોને સાંકળી લઈ 1,952 લોકોને ક્વોરેન્ટાઈન કરવામાં આવ્યા છે. ટેસ્ટિંગની વિગતો જોઈએ તો આજે બુધવારે જિલ્લાભરમાંથી 125 RTPCR અને 191 એન્ટિજન ટેસ્ટ મળી કુલ 316 સેમ્પલો કલેક્ટ કરાયા છે. જે પૈકી 125 RTPCRના રિપોર્ટ પેન્ડિગ છે. જિલ્લામા 14 એપ્રિલ સુધી કુલ 41,540 લોકોના સેમ્પલ એકત્ર કરાયા છે. જે પૈકી 293 વ્યક્તિઓના રિપોર્ટ પોઝિટિવ નોંધાયા છે.

આ પણ વાંચોઃ રાજ્યમાં કોરોનાનો અજગરી ભરડો, જાણો ક્યાં જિલ્લામાં કેવી પરિસ્થિતિ