એક મહિલાએ સેલવાસના યુવકને ફસાવવા તેનો મોબાઈલ માગ્યો પછી શું કર્યું? જુઓ...

રાજ્યમાં હનીટ્રેપના કેસમાં સતત વધારો થઈ રહ્યો છે. હવે સેલવાસમાં હનીટ્રેપની ઘટના સામે આવી છે. એક મહિલાએ સેલવાસના યુવક પાસે મોબાઈલ રિચાર્જના બહાને નંબર લઈ લીધો હતો. ત્યારબાદ તેને ફસાવ્યા બાદ પોતાને પારડીની મહિલા પોલીસ બતાવી હતી. આ ઉપરાંત રૂપિયા 10,000નો તોડ પણ કર્યો હતો. પોલીસે આરોપી યુવતીની ધરપકડ કરી હતી. જ્યારે આ કેસમાં ઉમરગામના દંપતીની પણ ધરપકડ કરાઈ છે.

• મોબાઈલ રિચાર્જના બહાને વેપારીને ફસાવી 10 હજાર પડાવ્યા
• બન્ને યુવતીઓ વલસાડ જિલ્લાની જ રહેવાસી છે
• બન્ને યુવતીએ યુવકને હનીટ્રેપમાં ફસાવવાનો કર્યો હતો પ્રયાસ
• નકલી પોલીસ બનીને લોકોને ઠગવું આરોપીને પડ્યું ભારે

સેલવાસ: સેલવાસમાં મોબાઈલ રિચાર્જ કરવાના બહાને વેપારીને ફસાવનારી યુવતી અને તેના પતિની પારડી પોલીસે ધરપકડ કરી છે. યુવકને ફસાવનારી યુવતીએ પોતાની અન્ય મહિલા મિત્રને નકલી પોલીસ બનાવી ફોન કરાવી 10,000 રૂપિયા પડાવ્યા બાદ આ મામલે યુવકે પોલીસ ફરિયાદ કરી હતી.

એક મહિલાએ સેલવાસના યુવકને ફસાવવા તેનો મોબાઈલ માગ્યો પછી શું કર્યું? જુઓ...

એક મોબાઈલ નંબર લેતી હતી અને બીજી નકલી પોલીસ બની પૈસા પડાવતી

સેલવાસમાં સ્ટેશનરીની દુકાન ચલાવતા કૃણાલ નટવર ભંડારી પાસે ગ્રાહકના સ્વાંગમાં આવેલી જયશ્રી નામની યુવતીએ મોબાઈલ રિચાર્જના બહાને નંબર આપી તેની સાથે મિત્રતા કેળવી હતી. બન્ને અવારનવાર એકબીજા સાથે વાતચીત કરતા હતા. 14 ડિસેમ્બરે અચાનક કૃણાલના મોબાઈલ પર શ્વેતા નામની મહિલાએ પોતે પોલીસમાં છું અને જયશ્રીના પતિએ તેના વિરૂદ્ધ ફોન કરવા માટે ફરિયાદ કરી છે. તેમ જણાવી પતાવટ માટે રૂપિયા 10,000 લઈ પારડી મામલતદાર કચેરી પાસે બોલાવ્યા હતા.

એક મહિલાએ સેલવાસના યુવકને ફસાવવા તેનો મોબાઈલ માગ્યો પછી શું કર્યું? જુઓ...

પોલીસે નકલી પોલીસ બનેલી યુવતીની ધરપકડ કરી

કૃણાલે નકલી પોલીસ શ્વેતાને રૂપિયા આપી દેતા પાછળથી તેની સાથે ઠગાઈ થઈ હોવાની જાણ થઈ હતી. એટલે તેણે પારડી પોલીસમાં શ્વેતા અને જયશ્રી વિરૂદ્ધ ફરિયાદ નોંધાવી હતી. પોલીસે આ કેસમાં નકલી પોલીસ બની બેસેલી શ્વેતા પટેલની ધરપકડ કરી હતી.

પતિએ જ પૈસા કમાવા આપ્યો હતો આઈડિયા

ગુરૂવારે ઉમરગામના બોરીગામ વિશ્રામફળિયા ખાતે રહેતી જયશ્રી જીતુ ધોડી અને તેના પતિ જીતુની ધરપકડ કરી કાર્યવાહી હાથ ધરી હતી. જયશ્રીના પતિએ જ ફોન નંબર આપી લોકો સાથે આ રીતે ઠગાઈ કરવા આઈડિયા આપ્યા હોવાનું બહાર આવ્યું છે.