કોરોના મહામારીમાં વલસાડ જિલ્લામાં 108ની કચ્છથી વલસાડ જેટલી સફર

કોરોના મહામારીમાં વલસાડ જિલ્લા સહિત સમગ્ર ગુજરાતમાં 108 એમ્બ્યુલન્સના કર્મચારી દર્દીઓના તૂટતા શ્વાસને ટેકો આપી રહ્યા છે. વલસાડ જિલ્લામાં 23 જેટલી 108 રોજના 30થી 35 કિલોમીટર દોડી રહી છે. જે કોરોના દર્દીઓને હોસ્પિટલ પહોંચાડવા સાથે પ્રાથમિક સારવાર આપી મહામુલા જીવનને બચાવી રહ્યા છે.

• જિલ્લામાં 23 એમ્બ્યુલન્સ, દરરોજ 90 જેટલા કોલ આવે છે
• કોરોના દર્દીઓ માટે 108 જીવનદાતા બની રહી છે
• રોજના 100 કિલોમીટર જેટલું અંતર કાપે છે

દમણઃકોરોના મહામારીના આ યુગમાં 108 એમ્બ્યુલન્સનો સ્ટાફ ઓક્સિજનના અભાવને લીધે તૂટતા શ્વાસનો પ્રથમ અને સૌથી મોટો આધાર બની ગયો છે. આ દિવસોમાં મોટાભાગના દર્દીઓ કોરોનાથી સંક્રમિત થતા ઓક્સિજનનું સ્તર ઓછું થાય છે. આવી સ્થિતિમાં દર્દીઓ હોસ્પિટલમાં દાખલ થાય ત્યાં સુધી 108 એમ્બ્યુલન્સમાં ઓક્સિજન આપવામાં આવે છે. આ કામ ડોકટરોની સલાહ મુજબ કરવામાં આવી રહ્યું છે. એમ્બ્યુલન્સ પાઇલટ અને પેરામેડિકલ સ્ટાફને દર્દીઓને પ્રાથમિક સારવાર આપવા માટે તાલીમ આપવામાં આવે છે.

કોરોના મહામારીમાં વલસાડ જિલ્લામાં 108ની સફર કચ્છથી વલસાડ સુધી

આ પણ વાંચોઃકોરોના કહેર : એપ્રિલમાં 108 એમ્બ્યુલન્સે 1200 કોરોનાના દર્દીઓને હોસ્પિટલ પહોંચાડ્યા

વલસાડ જિલ્લામાં 108ની 23 એમ્બ્યુલન્સ છે

વલસાડ જિલ્લામાં 108ની 23 એમ્બ્યુલન્સ છે. તેમાંથી 8 જેટલી એમ્બ્યુલન્સ શહેરી વિસ્તારોમાં જ્યારે બાકીની ગ્રામીણ વિસ્તારોમાં દોડી રહી છે. સામાન્ય દિવસોમાં જ્યાં એમ્બ્યુલન્સ દીઠ ત્રણ કોલ આવતા હતા, તેને બદલે હાલના દિવસોમાં ચારથી પાંચ કોલ આવી રહ્યા છે. 108 એમ્બ્યુલન્સના નિયંત્રણ કેન્દ્રમાંથી જણાવાયું હતું કે, દરરોજ લગભગ 90 કોલ આવે છે. કોલ પ્રાપ્ત થયા પછી લગભગ 18થી 20 મિનિટમાં એમ્બ્યુલન્સ સાઇટ પર પહોંચે છે.

કોરોના મહામારીમાં વલસાડ જિલ્લામાં 108ની સફર કચ્છથી વલસાડ સુધી

દર્દીને તેના ઘરેથી હોસ્પિટલ સુધી પહોંચાડવા 1 એમ્બ્યુલન્સને 30થી 35 કિમીના અંતરની મુસાફરી કરવી પડે છે

શહેરી વિસ્તારમાં દરરોજ કોરોના દર્દીને તેના ઘરેથી હોસ્પિટલ સુધી પહોંચાડવા 1 એમ્બ્યુલન્સને 30થી 35 કિમીના અંતરની મુસાફરી કરવી પડે છે. અંતરિયાળ ગ્રામ્ય વિસ્તારમાં આ અંતર 100 કિલોમીટરની આસપાસ રહે છે. જે જોતા 23 એમ્બ્યુલન્સની કુલ સફર વલસાડથી કચ્છ અને કચ્છથી ફરી વલસાડ સુધીની ગણી શકાય. 108 એમ્બ્યુલન્સમાં પ્રાથમિક સારવારના તમામ જરૂરી તબીબી ઉપકરણો છે.

108માં આવતા કોલમાંથી લગભગ 90 ટકા કોરોના દર્દીઓ માટે છે

108માં આવતા કોલમાંથી લગભગ 90 ટકા કોરોના દર્દીઓ માટે છે. 108ના કર્મચારી સ્થળ પર પહોંચે છે અને પહેલા દર્દીની તપાસ કરે છે. આ દિવસોમાં મોટાભાગના દર્દીઓ ઓક્સિજનની અછતથી પીડાય છે. જેને ધ્યાનમાં રાખીને, દર્દીની સ્થિતિ 108ના કર્મચારી દ્વારા કાર્યકારી ચિકિત્સકનો સંપર્ક કરીને કહેવામાં આવે છે. જેની સલાહ મુજબ 108નો સ્ટાફ દર્દીને ઓક્સિજન સહિતની અન્ય સારવાર આપે છે.

કોરોના મહામારીમાં વલસાડ જિલ્લામાં 108ની સફર કચ્છથી વલસાડ સુધી

હોસ્પિટલ સુધી એમ્બ્યુલન્સમાં જ ઓક્સિજન આપે છે

108ના વલસાડ જિલ્લાના દિનેશ ઉપાધ્યાયે આ અંગે જણાવ્યું હતું કે, બધી એમ્બ્યુલન્સમાં ઓક્સિજનના બે જમ્બો સિલિન્ડર હોય છે. જેનું દબાણ 150 સુધી છે અને આ ઓક્સિજન 15 કલાક સુધી ટકી શકે છે. પરંતુ ઓક્સિજનની માત્રા અને તેના દબાણનો નિર્ણય તબીબી સૂચનાઓ અનુસાર આપવામાં આવે છે. તેથી હોસ્પિટલમાં દાખલ થવા સુધી દર્દીને ઓક્સિજન આપીને શ્વાસ તૂટી જવાથી બચાવી શકાય છે.

108ના કર્મચારીઓ સાચા કોરોના વોરિયર્સ તરીકે ઉભરી આવ્યા છે

અત્યાર સુધીમાં 108 દ્વારા હજારો લોકોનો જીવ બચાવવામાં આવ્યો છે. દર્દીઓના વહન માટેના ચાર પ્રકારનાં સ્ટ્રેચર્સ, ઓક્સિમીટર અને અન્ય સાધનો પણ હંમેશાં 108માં હોય છે. 12 કલાકની પાળીમાં 108ના કર્મચારીઓ તેમની ફરજ નોન-સ્ટોપ કરી રહ્યા છે અને સાચા કોરોના વોરિયર્સ તરીકે ઉભરી આવ્યા છે.

થોડા દિવસો પહેલા સિવિલ હોસ્પિટલ પહોંચતા દર્દીને દાખલ થવા માટે ત્રણથી ચાર કલાક રાહ જોવી પડતી હતી

ઉલ્લેખનીય છે કે, થોડા દિવસો પહેલા સિવિલ હોસ્પિટલ પહોંચતા દર્દીને દાખલ થવા માટે ત્રણથી ચાર કલાક રાહ જોવી પડતી હતી. ત્યાં સુધી એમ્બ્યુલન્સમાં જ દર્દીને ઓક્સિજનની સારવાર આપવામાં આવતી હતી. પરંતુ ત્રણ-ચાર દિવસથી પરિસ્થિતિમાં સુધારો થયો છે અને હવે દર્દીઓએ ભરતી માટે વધુ રાહ જોવી પડતી નથી.

આ પણ વાંચોઃબનાસકાંઠામાં નવી 5 એમ્બ્યુલન્સ આવતા લોકોને તાત્કાલિક સારવાર મળશે

સેવા પરમો ધર્મના સૂત્રને સાર્થક કરી સાચા કોરોના વોરિયર્સ બન્યા છે

કોરોના મહામારીમાં 108ના કર્મચારીઓ પોતે કોરોના પોઝિટિવ આવ્યા બાદ પણ દર્દીઓને નેગેટિવ કરી સાચી માનવતાના દર્શન કરાવી રહ્યા છે. આ સેવામાં 108ના કર્મચારીઓએ પોતાનો જીવ પણ ખોયો છે. પરંતુ સેવા પરમો ધર્મના સૂત્રને સાર્થક કરી સાચા કોરોના વોરિયર્સ બન્યા છે.