ફતેપુરા તાલુકાના મોટી રેલ ગામના રર વર્ષીય રંગજીભાઈ હકાભાઈ બારીયા આશરે દસક દિવસ અગાઉ ભાટ મુવાડી ગામેથી ઈજાગ્રસ્ત હાલતમાં મળી આવ્યો હતા. જેને સારવાર અર્થે સૌ પ્રથમ નજીકના બલૈયા સરકારી દવાખાને ખસેડાયા હતા. જ્યાં ઈજાની ગંભીરતાને ધ્યાને લઈ પ્રાથમિક સારવાર આપ્યા બાદ વધુ સારવાર અર્થે ફતેપુરા સરકારી દવાખાન ખાતે ખસેડવામાં આવ્યા હતાં.
પુત્રની સારવાર માટે ભટકતાં પિતાની પોલીસે મદદ ન કરતાં પરિવારે દીકરો ગુમાવ્યો
હાલત વધુ ગંભીર જણાતાં તેને દાહોદ સીવીલ હોસ્પીટલ ખાતે ખસેડવામાં આવ્યા હતાં. પરંતુ, ત્યાં પણ યુવાનની સારવાર કોઈ સુધાર ન જણાતા તેને અમદાવાદ સિવીલ હૉસ્પિટલ ખાતે ખસેડવામાં આવ્યા હતાં. અહીં તેમને નિરાશા મળી, આ હૉસ્પિટલમાં તબીબોએ સારવાર આપવાની સ્પષ્ટ ના પાડી દીધી હતી, ત્યારબાદ તેને ઘરે લાવવામાં આવ્યા હતાં. ન્યાય મેળવવા માટે યુવાનના પિતા તેને લઈ સુખસર પોલીસ મથકે ફરિયાદ નોંધાવા ગયા હતાં.