દાહોદ: લોકડાઉનના કારણે બજાર બંધ હોવાથી ફૂલોની ખેતી કરતા ખેડૂતોને નુકસાન સહન કરવાનો વારો આવ્યો હતો. તેમના ફૂલોનું વેચાણ અટકી પડયું હતું. જેના કારણે દાહોદના ધરતીપુત્રોની આર્થિક સ્થિતિ કથળવા માંડી હતી. કોરોના વાઇરસના પગલે ટ્રાન્સપોર્ટેશન બંધ રહેવાથી ફૂલો ખેતરમાં ખરવા માંડતા ધરતીપુત્રોની આર્થિક સ્થિતિ કફોડી બની હતી. આ કફોડી સ્થિતીમાં જિલ્લાના જાગૃત ખેડૂતો દ્વારા ગુલાબના ફૂલોને એકત્રિત કરી તેનું ગુલકંદ બનાવવાનું શરૂ કર્યું હતું. ખેડૂતો દ્વારા ખેતરમાંથી ગુલાબના ફૂલો વીણી લાવીને તેની પાંખડીઓ અલગ કરવામાં આવી હતી. ત્યારબાદ આ ફૂલોને થોડા સૂકવી દેશી સાકરમાં મેળવીને ગુલકંદ બનાવવાની પ્રક્રિયા શરૂ કરવામાં આવી હતી.
લોકડાઉનના પગલે ગુલાબના ફુલોની ખેતી