દાહોદ ડબલ મર્ડર કેસઃ આરોપીના જામીન નામંજૂર

દાહોદઃ શહેરના ગોધરા રોડ વિસ્તારમાં વ્યાજ વાનાની લેતી-દેતીની તકરારમાં માતા સહિત માસુમ પુત્રીની કરપીણ હત્યાએ ચકચારી મચાવી હતી. આ મામલામાં આરોપીના જામીનને કોર્ટે ફગાવી દીધા છે. આ ગુનાની ગંભીરતાને ધ્યાનમાં રાખી જામીન નામંજૂર કરાતા આરોપીઓ ફરી જેલ ભેગા થયા છે.

શહેરના ગોધરા રોડ વિસ્તારમાં રહેતા દંપતી વ્યાજની લેતી-દેતીમાં ફસાયા બાદ તેમાંથી બચવા માટે વ્યાજે નાણાં ધીરનાર માતાની અને તેની માસૂમ દીકરીની હત્યા કરી હતી. દંપતીએ નંદા નામની મહિલાના મૃતદેહને તેના ઘરની અંદર જ પાણીની ટાંકીમાં ચણી દીધો હતો. જ્યારે માસુમ બાળકીને દાહોદથી ૩૦ કિલોમીટર દૂર હડપ નદીમાં લઈ જઈ ફેંકી દેવામાં આવી હતી. આ ડબલ મર્ડર કેસમાં ભાભોર દંપતીને માસૂમ બાળકીની હડપ નદીમાં લઇ જઇને ફેંકવામાં સહયોગ આપનાર મિત્ર રોહિત સંગાડાના જામીન અરજી કોર્ટમાં મૂકવામાં આવી હતી.

આ અરજીની સુનાવણી દરમિયાન કોર્ટે ગુનાની ગંભીરતા જોઈ રોહિતના જામીન નામંજૂર કરી દીધા છે. જ્યારે ગુનામાં સંડોવાયેલ દંપતી હજુ સુધી જામીન માટે કોઈપણ પ્રકારની અરજી કરી રહી હોવાનું જાણવા મળ્યું છે.