દાહોદ જિલ્લામાં આવેલ દેવગઢ બારીયા ST બસ ડેપોમાં ફરજ બજાવતા એક કર્મચારીને કોઈ કારણસર સસ્પેન્ડ કરવામાં આવ્યો હતો. તે કર્મચારીને તાત્કાલીક 4 દિવસમાં ફરજ પર હાજર કરી દીધેલ. તેના બદલામાં દેવગઢ બારીયા ST ડેપોના ઈન્ચાર્જ ડેપો મેનેજર આશિષ રાજકોટીયાએ કર્મચારી પાસે અવાર નવાર લાંચની માંગણી કરી હતી. પરંતુ તે કર્મચારી લાંચ આપવા માંગતો ન હોવા છતા તેને લાંચના રૂપિયા 5000 આપવાની વાત કરી હતી.
દાહોદ દેવગઢબારિયાનો ઇન્ચાર્જ ડેપો મેનેજર 5 હજારની લાંચ લેતા ઝડપાયા - Dahod Devgadhbaria's in-charge depot manager
દાહોદ: દેવગઢ બારીયામાં સસ્પેન્ડ કરેલા કર્મચારીને ચાર દિવસમાં જ હાજર કરી દીધા હતા. રૂપિયા 5000ની લાંચની રકમ સ્વીકારતા દેવગઢ બારીયાના ઈન્ચાર્જ ડેપો મેનેજર પંચમહાલ ACBના હાથે રંગેહાથ ઝડપાઈ ગયો હતો. જિલ્લામાં બીજીવાર એ.સી.બી.ની ટ્રેપ થતા લાંચીયા તત્વોમાં ભારે ફફડાટ ફેલાયો છે.
etv bharat
બાદમાં કર્મચારીએ પંચમહાલ ACB પોલીસ સ્ટેશનનો સંપર્ક કરી ઉપરોક્ત હકીકતથી પોલીસને વાકેફ કરી ST ડેપોના ઈન્ચાર્જ ડેપો મેનેજર આશિષ રાજકોટીયા વિરૂદ્ધ ફરીયાદ કરી હતી. ત્યારબાદ પંચમહાલ ACBના PI જે એમ ડામોર, આર આર દેસાઈ તથા તેમના સ્ટાફના માણસોની ટીમે ડેપો મેનેજરના સરકારી રહેણાંક મકાનમાં છટકુ ગોઠવ્યું હતુ. તેમજ તે કર્મચારીને લાંચમાં આપવા માટે પાવડરવાળી રૂપિયા 5000ની કિંમતની ચલણી નોટો આપી હતી. તે નોટો કર્મચારી પાસેથી સ્વીકારતા ઈન્ચાર્જ ડેપો મેનેજર આશિષ રાજકોટીયા રંગેહાથ ઝડપાઈ ગયો હતો.
ત્યારે પંચમહાલ ACB પોલીસે તેની ધરપકડ કરી હતી. તેમજ લાંચ રૂશ્વતનો ગુનો દાખલ કરી તેના નિવાસસ્થાને સર્ચ ઓપરેશન હાથ ધર્યું હતુ. પંચમહાલ ACBએ માત્ર 72 કલાકમાં જ બે જગ્યાએ છટકું ગોઠવી ત્રણ અધિકારીઓને ઝડપી પાડી ધરપકડ કરી આગળની તપાસ હાથ ધરતા જિલ્લાના લાંચીયા અધિકારીઓ, કર્મચારીઓમાં ભારે ફફડાટ ફેલાયો હતો.