દાહોદઃ જિલ્લા કલેક્ટર વિજય ખરાડીએ જિલ્લામાં કોરોના સંક્રમણના વધતા કેસોને ધ્યાનમાં રાખીને નાગરિકોને આગામી ગણેશ ઉત્સવ અને મોહરમ જેવા તેવા તહેવારની ઉજવણી ઘરે કરવા અપીલ કરી છે.
વિજય ખરાડીએ પ્રજાજોગ સંદેશ આપતા જણાવ્યું કે, કોરોના સંક્રમણના વિશ્વવ્યાપી સંકટનો આપણે ગત 5 મહિનાથી સામનો કરી રહ્યાં છીંએ. આ માટે કેન્દ્ર સરકાર, રાજય સરકાર અને જિલ્લા વહીવટી તંત્ર દ્વારા વિવિધ જાહેરનામા પણ બહાર પાડીને ધાર્મિક તહેવારોની ઉજવણી અંગે સપષ્ટ માર્ગદર્શન આપવામાં આવ્યું છે. આગામી ધાર્મિક તહેવારો ગણેશ ઉત્સવ અને મોહરમની ઉજવણી અંગે પણ માર્ગદર્શીકા બહાર પાડવામાં આવી છે.
દાહોદ કલેક્ટરની લોકોને અપીલ, કહ્યું-ગણેશ ઉત્સવ અને મોહરમની ઉજવણી ઘરે કરો