ઇન્દોર હાઇવે પર સરકારી ગાડીએ બાઈકને અડફેટે લેતા ચાલકનું મોત

દાહોદ : દાહોદ-ઈન્દોર હાઇવે કતવારા ગામ નજીક ગોધરા તરફથી પુરઝડપે આવતી એક ફોરવ્હીલ ગાડીએબાઈક ચાલકને અડફેટે લેતા બાઈક ચાલકનું ઘટનાસ્થળે કમકમાટીભર્યું મોત નિપજયું હતુ.

દાહોદમાંથી પસાર થતા ઇન્દોર-અમદાવાદ નેશનલ હાઇવે પર કતવારા ગામ પાસે એક વ્યક્તિ પોતાનું બાઈક લઇ પસાર થઈ રહ્યો હતો. આ સમયે ગોધરા તરફથી પુરઝડપે આવતી ટોયાટા ઈનોવા કારના ચાલકે બાઈકને અડફેટે લેતા બાઈક પર સવાર યુવક જમીન પર પટકાતા તેના માથાના ભાગે ગંભીર ઈજાઓ પહોંચતા તેનું ઘટનાસ્થળે મોત નીપજ્યું હતું, જો કે, ઘટના બાદ આસપાસ ભેગા થયેલા લોકોના ટોળાએ પોલીસનો સંપર્ક કરતા પોલીસે ઘટનાસ્થળે પહોચી મૃતકના શબને પીએમ અર્થે મોકલી દીધો હતો.

ઉલ્લેખનીય છે કે, કતવારા સાથે બાઈકને અડફેટે લેનાર ઈનોવા કાર પર ડેપ્યુટી કલેક્ટર & એસ.ડી.એમ લખેલી નેમપ્લેટ જોવા મળતા આ કાર કોઈ અધિકારીની હોવાનું ચર્ચાઈ રહ્યું છે, ત્યારે કારમાં ખરેખર કોઈ અધિકારીની છે કે નહી? અકસ્માત સમયે અધિકારી કારમાં હાજર હતા કે નહી, તે તમામ વિષય પર તપાસમાં જોતરાઈ ગઈ છે.