દાહોદ જિલ્લામાંથી પસાર થતા અલીરાજપુર નીમ્બાહેડા નેશનલ હાઈવે પર ઝાલોદ તાલુકાના વરોડ ગામે આવેલા ટોલટેક્સ બૂથ શરૂ કરાયો ત્યારથી જ વિવાદમાં રહ્યો છે. ટોલ બૂથ પર જિલ્લાના લોકો પાસે ટેક્સ નહીં લેવા માટે જિલ્લાભરમાં આવેદનપત્ર તેમજ ધારણાની ચીમકી પણ આપવામાં આવેલી હતી. બુધવારની રાત્રિના દસ વાગ્યાના અરસામાં કાર આવી હતી. ગાડી ચાલક પાસેથી બુથ પર ફરજ બજાવી રહેલ કર્મચારીએ ટોલટેક્સની માગણી કરી હતી. ગાડીમાં બેઠેલા ઇસમે "મેરી ગાડી ક્યુ રોક રહે હો ઔર પેસે ક્યુ લેતે હો" જણાવીને ઝઘડો કર્યો હતો. જે બાદ ત્યાંથી પસાર થઇ થોડી જ વારમાં મિત્રો સાથે આવીને ટોલ બૂથ પર મારા મારી સાથે તોડફોડ કરી હતી.
દાહોદના લીમડી નજીક ટોલ ટેક્સ સંદર્ભે તકરાર