ગુડ્સ ટ્રેનની અડફેટે ઓટો રીક્ષા 40 ફૂટ સુધી ઘસડાઇ, સદભાગ્યે કોઈ જાનહાનિ નહીં

દાહોદ રેલવે વર્કશોપ (Dahod Railway Workshop) સી સાઈટ નજીક આવેલા ક્રોસિંગ પર રેલવેની બોગીની અડફેટે આવેલી પેસેન્જર ઓટો રીક્ષા ક્ષતિગ્રસ્ત થઈ હતી. જોકે સદનસીબે આ ઘટનામાં કોઇ જાનહાનિ થઇ નથી પણ એક વ્યક્તિને સામાન્ય ઈજાઓ થઇ હતી. ત્યારે ઘટનાની જાણ થતાં RPF જવાનોએ સ્થળ પર પહોંચી તપાસ હાથ ધરી છે.

• પરેલ સી સાઈટ નજીક રેલવે ક્રોસિંગ પર ગુડ્સ ટ્રેનની અડફેટે રીક્ષા 40 ફૂટ સુધી ઘસડાઇ
• રેલવેની બોગી તેમજ રિક્ષા વચ્ચે સર્જાયો અકસ્માત
• ઘટનામાં એક વ્યક્તિને સામાન્ય ઈજાઓ પહોંચી, કોઇ જાનહાનિ નહીં
• RPFસ્ટાફ તાબડતોબ ઘટનાસ્થળે પહોંચ્યો
  
  દાહોદઃ દાહોદ રેલવે વર્કશોપમાં (Dahod Railway Workshop) સમારકામ માટે આવેલી ગુડ્સ ટ્રેનની બોગી આજે વર્કશોપમાંથી રીપેર થઈ રિવર્સમાં રેલવે સ્ટેશન તરફ જઈ રહી હતી. આ સમયે ક્રોસિંગ પરથી પસાર થઇ રહેલી પેસેન્જર રીક્ષા રિવર્સમાં આવી રહેલી રેલવે બોગીના પાછળના ભાગે અથડાતા રિક્ષાનો કચ્ચરઘાણ નીકળી ગયો હતો.

આ પણ વાંચોઃ મીની લોકડાઉનમાં ફાઇનાન્સ પર લીધેલી ઓટોના ડ્રાઇવરો બન્યા બેરોજગાર, કેવી રીતે ભરવા હપ્તા?

આ ઘટનામાં બોગી રીક્ષાને લગભગ 40 ફૂટ સુધી ઘસડીને લઇ ગઈ હતી. જોકે રિવર્સમાં આવી રહેલી રેલવેની સેન્ટીંગ ટ્રેનની બોગીની ઝડપ ઓછી હોવાના કારણે એક માત્ર વ્યક્તિને સામાન્ય ઈજાઓ પહોંચી હતી. આ ઘટનાની જાણ રેલવે તંત્ર સહિત RPFને થતાં ઘટનાસ્થળ પર આરપીએફના જવાનોએ પહોંચી જઇને આગળની કાર્યવાહી હાથ ધરી હતી.

આ પણ વાંચોઃ પોરબંદરના ઇન્દિરાનગર-બિરલા અને રોકડીયા હનુમાન-બોખીરા હાઇ-વે બિસ્માર હાલતમાં