દાહોદ જિલ્લા કોંગ્રેસ સમિતિ દ્વારા ખેડૂત વિરોધી કાયદાઓને રદ કરવા SDMને આવેદન

દાહોદ જિલ્લા કોંગ્રેસ સમિતિ દ્વારા કૃષિ સંબંધિત ત્રણ કાયદા પાછા ખેંચી લેવા તેમજ તાત્કાલિક રદ કરવાની માંગણી સાથે ભારતના રાષ્ટ્રપતિને સંબોધીને એક આવેદનપત્ર દાહોદના નાયબ કલેક્ટરને સોંપવામાં આવ્યું છે. આ આવેદનપત્ર આપવા માટે માજી સાંસદ કોંગ્રેસના ધારાસભ્યો અને આગેવાનો ઉપસ્થિત રહ્યા હતા.

• દાહોદ જિલ્લા કોંગ્રેસ સમિતિ દ્વારા નાયબ કલેક્ટરને આવેદન
• માજી સાંસદ કોંગ્રેસના ધારાસભ્યો અને આગેવાનો રહ્યા ઉપસ્થિત
• ત્રણ કાળા કાયદાઓ પરત ખેંચી રદ કરવા રાષ્ટ્રપતિને અનુરોધ

દાહોદ : જિલ્લા કોંગ્રેસ સમિતિ દ્વારા સબ ડિવિઝનલ મેજિસ્ટ્રેટ અને પ્રાંત અધિકારીને આપવામાં આવેલા આવેદનપત્રમાં જણાવ્યા અનુસાર, મોદી સરકારે ત્રણ કાળા કાયદા ઘડીને દેશના 62 કરોડ અન્નદાતાઓને મુઠ્ઠીભર મૂડીપતિઓના હાથમાં ગીરવે મૂકીને દેશમાં હરિત ક્રાંતિને ખતમ કરવાનું ધૃણાસ્પદ ષડયંત્ર રચ્યું હોવાનો પણ આક્ષેપ કર્યો છે. વધુમાં જણાવ્યા અનુસાર, મોદી સરકાર દ્વારા પ્રસ્થાપિત સંસદીય પ્રણાલીનો ભંગ કરીને મૌખિક મતદાન દ્વારા ઉતાવળે ચર્ચા વગર પસાર કરવામાં આવેલ કૃષિ સંબંધિત ત્રણ કાળા કાયદાઓ તાત્કાલિક પરત ખેંચી રદ કરવા રાષ્ટ્રપતિને અનુરોધ કરવામાં આવ્યો છે.

દાહોદ જિલ્લા કોંગ્રેસ સમિતિ દ્વારા ખેડૂત વિરોધી કાયદાઓને રદ કરવા SDMને આવેદન

દાહોદ પ્રાંત ઓફીસ ખાતે પ્રાંત અધિકારીને આવેદનપત્ર

દાહોદ જિલ્લા કોંગ્રેસ સમિતિ દ્વારા ગુજરાત પ્રદેશ કોંગ્રેસ સમિતિના પ્રમુખ અમિત ચાવડાના આદેશથી દિલ્હી સહિત સમગ્ર દેશમાં ખેડૂત વિરોધી અધ્યાદેશના વિરોધમાં આંદોલન કરતાં ખેડૂત સંગઠનોના સમર્થનમાં અને કેન્દ્ર સરકાર દ્વારા ખેડૂતો પર કરવામાં આવી રહેલ અત્યાચારના વિરોધમાં દાહોદ તાલુકા પંચાયત કચેરી ખાતે કોંગ્રેસ સમિતિના અગ્રણીઓ તેમજ કાર્યકરો મોટી સંખ્યામાં એકત્રિત થઈ દિવંગત નેતા અહેમદ પટેલની આત્માને શાંતિ મળે એ માટે પ્રાર્થના સભા કરી હતી. ત્યાંથી દસથી બાર જેટલા આગેવાન નેતાઓ દ્વારા દાહોદ પ્રાંત ઓફીસ ખાતે પ્રાંત અધિકારીને આવેદનપત્ર આપવામાં આવ્યું હતું.