દાહોદ જિલ્લામાં વધુ 17 દર્દીઓ પોઝિટિવ, એક્ટિવ કેસોની સંખ્યા 151 એ પહોંચી

દાહોદમાં વધુ 17 કોરોના દર્દીઓના ટેસ્ટ પોઝિટિવ આવતા દાહોદ જિલ્લામાં કોરોનાનો કુલ આંકડો 1250ને પાર કરી ગયો છે. તેમજ 19 દર્દીઓએ કોરોનાથી સ્વસ્થ થતા તેઓને હોસ્પિટલમાંથી રજા આપવામાં આવી હતી. દાહોદ જિલ્લામાં એક્ટિવ કેસ 151 રહેવા પામ્યા છે. અત્યાર સુધી કોરોનાથી 61 લોકોએ પોતાનો જીવ ગુમાવ્યો છે.

દાહોદ: કોરોના મહામારીને નાથવા માટે આરોગ્ય તંત્ર અને વહીવટી તંત્ર દ્વારા સતત પ્રયાસો હોવા છતાં જિલ્લામાંથી 1901 રેપિડ ટેસ્ટના સેમ્પલો લઇને મોકલવામાં આવ્યા હતા. જે પૈકી 9 કેસ પોઝિટિવ આવ્યા છે, જ્યારે આર્ટિફિશિયલ ટેસ્ટના 313 સેમ્પલમાંથી 8 પોઝિટિવ આવ્યા છે. આમ કુલ જિલ્લામાં 17 દર્દીઓ કોરોના પોઝિટિવ નોંધાયા છે.

આ 17 કોરોના દર્દીઓ પૈકી વાલસીંગભાઈ કાળુભાઈ ચરપોટ, ભુહાનુદ્દીન મોહમદ હુસેન બુરહાની , કાળુભાઈ સોમજીભાઈ પરમાર , મેડા દિલીપ ચિમન , કટારીયા ગીરીશ જયંત, ફાલ્ગુનીબેન વિજયપંચાલ, રાઠોડ હર્ષવર્ધન પ્રવીણકુમાર , પ્રજાપતિ મહેશભાઈ પુનાભાઈ , શાહ રૂકમણીબેન રાધેશ્યામ , પટેલ કમલાબેન હરીભાઈ , શાહ કેયુરભાઈ રાધેશ્યામ , રાઠોડ રાકેશભાઈ દીતાભાઈ , ભુરીયા મહેશભાઈ સમસુભાઈ , ભુરીયા જયરાજ મહેશભાઈ, ભુરીયા યશોધરા મહેશભાઈ , ભુરીયા નરેશભાઈ નુરીયાભાઈ , ગરાસીયા દેવસીંગ રાણાજી આમ, 17 કોરોના પોઝિટિવ દર્દીઓના રહેણાંક વિસ્તારમાં દાહોદ જિલ્લા આરોગ્યતંત્ર દ્વારા સેનેટાઇઝિંગ સહિતની કામગીરી હાથ ધરવામાં આવી છે.