આદિવાસી બાહુલ છોટાઉદેપુરના કવાંટ તાલુકામાં આવેલા કનલવા ગામમાં ગોહટીબેન રાઠવા નામની વૃદ્ધા પગમાં ચાંદીના કડા પહેરતી હતી. 80 વર્ષીય આ વૃદ્ધાનું 6 માસ અગાઉ હત્યા કરી નાખવામાં આવી હતી. વૃદ્ધા પર હુમલો કરી તેનું મોત નીપજાવી નજીકના ખેતરમાં લઈ જઈ તેના પગ કાપી કડા કાઢી આરોપી ફરાર થઈ ગયા હતા.
આ ઘટના બાદ જિલ્લા LCBની ટીમ દ્વારા તપાસનો ધમધમાટ બોલાવાયો હતો. પરંતુ ઘટનામાં કોઈ પણ જાતના સબૂત ન હોવાથી પોલીસને આ ગુનો ઉકેલવો મુશ્કેલ બની રહ્યો હતો. ગામના જ ઈશ્વર રાઠવા નામના શખ્સને પોલીસે ઝડપી પાડ્યો છે અને કડા પણ રીકવર કર્યા છે.
પોલીસ દ્વારા આરોપીને હત્યા કરવાનું કારણ પૂછતા તેણે પોતાની બિમાર પત્નીનાં ઈલાજ માટે પૈસા ન હોવાથી ઘટનાને અંજા આપ્યો હોવાનું રટણ કર્યું છે. પોલીસે આ મુદ્દે જરૂરી કાર્યવાહી હાથ ધરી છે.