બોટાદ : જિલ્લા પોલીસ અધિક્ષક હર્ષદ મહેતા તથા વિભાગીય પોલીસ અધિકારી રાજદીપસિંહ નકુમ દ્વારા બોટાદના વોર્ડ નંબર-9નાં કન્ટેનમેન્ટ ઝોનની મુલાકાત લેવામાં આવી હતી.
જેમાં સમગ્ર વિસ્તારનું નિરીક્ષણ કરવામાં આવ્યું હતું. ત્યાંના વિસ્તારના મુસ્લિમ આગેવાનો સાથે મીટિંગ કરવામાં આવી હતી. આ મીટિંગમાં જણાવવામા આવ્યુ કે, આ વિસ્તાર કોરોના વાઈરસથી સંક્રમીત થયેલો હોવાથી અને તેનો ફેલાવો બીજા વિસ્તારમા ન થાય અને આ વિસ્તાર પણ કોરોના મુક્ત થઈ જાય તેવા પ્રયત્નો કરવા અને લોકોએ ઘરમાં જ રહેવું, કામ વગર બહાર ન નિક્ળવું અને નજીકના દિવસોમાં પવિત્ર રમજાન માસ આવતો હોવાથી લોકોએ પોતાના ઘરમાં જ ઈબાદત અને ઉજવણી કરવી. બીજા કોઈ લોકોને પોતાના ઘરે બોલાવવા નહીં.