ભાવનગર: વતન પરત આવતા જીતુ વાઘાણી માટે યોજાયો ભવ્ય સન્માન સમારોહ

ભાવનગર: લોકસભાની ચૂંટણીમાં ગુજરાતની 26માંથી તમામ 26 બેઠક પર ભાજપનો ભગવો લહેરાવ્યા બાદ ધારાસભ્ય જીતુ વાઘાણી પોતાને વતન આવ્યા હતા. સૌપ્રથમ વખત ભાવનગર ખાતે પોતાના વતન માદરે આવતા ભાજપના પ્રદેશ અધ્યક્ષ અને ભાવનગર પશ્ચિમ વિધાનસભા મત વિસ્તારના ધારાસભ્ય જીતુ વાઘાણી માટે ભવ્ય સન્માન સમારોહ યોજાયો હતો.

લોકસભા ચૂંટણીમાં ભાવનગર લોકસભા બેઠક સહિત રાજ્યની 26 બેઠક પર ભાજપનો જ્વલંત વિજય થતાં આ વિજય માટે યશના હકદાર એવા ભાજપના પ્રદેશ અધ્યક્ષ અને ભાવનગર પશ્ચિમ વિધાનસભા મત વિસ્તારના ધારાસભ્ય જીતુ વાઘાણી સૌપ્રથમ વખત ભાવનગર પોતાના વતન માદરે ખાતે આવ્યા હતા. તેમજ જીતુ વાઘાણીને સન્માનિત કરવા માટે ભાવનગર શહેર ભાજપ સંગઠન દ્વારા તેમના અભિવાદન માટે વિશાળ બાઈક રૅલી યોજવામાં આવી હતી.

શહેરના જશોનાથ સર્કલથી આ બાઇક રૅલીનું પ્રસ્થાન થયું હતું. જે શહેરના પશ્ચિમ વિધાનસભા મત વિસ્તારના અંદાજિત 8 કિલોમીટરથી વધુના વિસ્તારોમાં રૅલી ફરી હતી અને ઠેર ઠેર ભાજપના પ્રદેશ અધ્યક્ષ અને ધારાસભ્ય જીતુ વાઘાણીનું ઉમળકાભેર સ્વાગત અને બહુમાન કરવામાં આવ્યું હતું. જો કે, ભાજપના પ્રદેશ અધ્યક્ષ જીતુ વાઘાણીએ આ વિજયના સાચા હકદાર નાગરિકો અને ભાજપના કાર્યકર્તાઓને ગણાવ્યા હતા.