ભાવનગરમાં એક દિવસમાં 17 કેસ પોઝિટિવ આવતા કુલ આંકડો 73 પર પહોચ્યો

ભાવનગર શહેરમાં એક જ દિવસમાં 17 પોઝિટિવ કેસ આવતા આંકડો 73એ પહોંચી ગયો છે. ભાવનગરના બાહ્ય વિસ્તારોમાં હવે કોરોના ફેલાઈ રહ્યો છે. શહેરના પખાલીવાડ, બોરડીગેટ, સંઘેડિયા બજાર, કરચલિયા પરા અને પોલીસ સ્ટેશનના જવાન પણ ઝપેટમાં આવ્યા છે. તો ડી.ડિવિઝન પોલીસ બે અમદાવાદથી છુપાઈને આવેલા લોકોને લાવ્યા બાદ તેનો રિપોર્ટ પોઝિટિવ આવતા હવે પોલીસ કર્મચારીઓની સમસ્યામાં વધારો થયો છે.

ભાવનગરઃ સોમવારાના રોજ દિવસમાં આવેલા નવા 17 કેસથી હડકંપ મચી ગયો છે, ભાવનગર મહાનગરપાલિકાના કમિશ્નર દ્વારા 17 પોઝિટિવ કેસનો આંકડો આપતા ભાવનગરમાં રાફડો ફાટ્યો હોઈ તેવી સ્થિતિ સર્જાઈ છે.

ભાવનગરના સંઘેડિયા બજાર, પખાલીવાડ, કરચલિયા પરા, બોરડીગેટ અને સી ડિવિઝનમાંથી આ કેસ સામે આવ્યા છે, જેમાં પખાલીવાડમાં 9 કેસ અને બોરડીગેટ વિસ્તારના 6 કેસ નોંધાયા છે. એક કરચલિયા પરા તો એક સંઘેડિયા બજાર મોચી શેરીનો કેસ નોંધાયો છે, નવા આવેલા કેસને પગલે લોકોમાં ફફડાટ પણ ફેલાયો છે. આ 17 પૈકી એક કેસ શહેરના જ્યાં કોરોના કેસ નથી તેવા ચિત્રા વિસ્તારને પણ સંબંધિત હોવાનું કમિશ્નરે જણાવ્યું છે, ત્યારે બાહ્ય વિસ્તારમાં જ્યાં એકપણ કેસ નહોતો ત્યાં કેસ આવવાની શક્યતા વધી ગઈ છે.

ભાવનગરમાં એક દિવસમાં 17 કેસ પોઝિટિવ

ભાવનગર ડી ડિવિઝન પોલીસએ અમદાવાદથી છુપાઈને આવેલા બે લોકોને પકડ્યા હતા, આ બંનેના રિપોર્ટ પોઝિટિવ આવ્યા છે. જેને પગલે પોલીસ સ્ટેશન અને સ્ટાફ પર સમસ્યાના વાદળો ઘેરાયા છે.