ભાવનગર જિલ્લામાં ચાલુ વર્ષે રવિપાકમાં બમણું વાવેતર, ખેતરો અને વાડીઓ થયા ધમધમતા

ભાવનગરના ભાલ પંથકના ઘઉં અને મહુવા પંથકમાં ડુંગળીનું ખૂબ મોટા પ્રમાણમાં વાવેતર કરવામાં આવે છે અને જેની માગ રાજ્ય અને દેશના અનેક ભાગોમાં હોય છે, ત્યારે આ વખતે ચોમાસામાં થયેલા સારા વરસાદને કારણે જમીનમાં પાણીના તળ પણ ઉંચા આવ્યા છે. આથી ચાલુ વર્ષે સમગ્ર જિલ્લાનું મળીને કુલ 34, 100 હેક્ટરમાં રવિપાકનું વાવતેર કરવામાં આવ્યું છે.

• ભાવનગર જિલ્લામાં રવિપાકનું બમણું વાવેતર
• 9000 હેક્ટરમાં ઘઉંનું વાવેતર કરવામાં આવ્યું છે.
• 5800 હેક્ટરમાં ચણાનું વાવેતર
• બાજરી, જુવાર, મકાઈ,અડદ, મગ, ડુંગળી વગરે પાકનું પણ સારા પ્રમાણમાં વાવેતર

ભાવનગર: આ વર્ષે જીલ્લામાં રવિપાકનું ગત વર્ષની સરખામણીએ સવાયું વાવતેર થવા પામ્યું છે. ગત ચોમાસામાં ભારે વરસાદ અને કમોસમી માવઠાના કારણે ખેડૂતોના ઉભા પાકને ઘણું નુકસાન થયું હતું. પરંતુ સારા વરસાદના કારણે જમીનમાં પાણીના તળ પણ ઉંચા આવ્યા હતા જેને લીધે ખેતરો અને વાડીઓ ફરી ધમધમતી થઇ છે. અનેક ખેડૂતોએ અગાઉથી જ શિયાળુ પાકનું વાવેતર કરી દીધું છે જ્યારે અનેક ખેડૂતોએ શિયાળાની ઋતુમાં ઠંડીનું પ્રમાણ વધતા હવે ઘઉં, ચણા, જુવાર, બાજરી, ડુંગળી સહિતના પાકોનું વાવેતર કર્યું છે.

ભાવનગર જીલ્લામાં ચાલુ વર્ષે રવિપાકમાં બમણું વાવેતર, ખેતરો અને વાડીઓ થયા ધમધમતા

ગત વર્ષ કરતા આ વર્ષે રવિપાકનું 15 થી 20 ટકા વધુ વાવેતર

આ વર્ષે ખેડૂતોને રવિપાકનું વાવેતર ફાયદાકારક બનવા જઈ રહ્યું છે. ખેડૂતોગત ચોમાસામાં ભારે વરસાદના કારણે પૂરતું ઉત્પાદન લઇ શક્યા ન હતા. પરંતુ સારા વરસાદનો લાભ હવે ખેડૂતો રવિપાકમાં લઇ રહ્યા છે. હાલ જમીનમાં પાણીના તળ ઉંચા આવી જતા મોટાભાગના ખેતરો અને વાડીઓના કૂવા અને બોરીન્ગમાં ભરપુર પાણી જોવા મળી રહ્યું છે. અનેક ખેડૂતોએ અગાઉથી જ રવિપાકનું વાવેતર કરી દીધું છે. ગત વર્ષ કરતા આ વર્ષે 15 થી 20 ટકા વધુ વાવેતર જોવા મળી રહ્યું છે.

આ વર્ષે 34, 100 હેકટરમાં જિલ્લાભરમાં રવિપાકનું વાવેતર

આ વર્ષે ભાવનગર જીલ્લાના ભાવનગર, મહુવા, તળાજા, ગારીયાધાર, ઘોઘા, જેસર, પાલીતાણા, સિહોર,ઉમરાળા અને વલ્લભીપુરમાં ખેડૂતો દ્વારા 34, 100 હેકટરમાં વિવિધ પાકોનું વાવેતર કરવામાં આવ્યું છે. જેમાં ખાસ ઘઉંનું 9000 હેકટર, ચણાનું 5800 હેક્ટર, ડુંગળીનું 8000 હેકટરમાં વાવેતર થયું છે જે ગત વર્ષ કરતા સવાયું વાવેતર છે. આ સિવાય બાજરી, જુવાર, મકાઈ,અડદ, મગ વગરે પાકનું પણ વાવતેર સારા પ્રમાણમાં ખેડૂતો દ્વારા કરવામાં આવ્યું છે. જયારે હજુ આ વર્ષે કુલ મળી 50 થી 60 હજાર હેકટરમાં રવિપાકનું વાવેતર થશે તેમ જીલ્લા ખેતીવાડી અધિકારીએ જણાવ્યું હતું.

ખેડૂતોને રવિપાકમાં સારું ઉત્પાદન અને સારા ભાવની આશા

આ વર્ષે જીલ્લાના તમામ તાલુકાઓમાં 100 ટકા કરતા વધુ વરસાદના કારણે પાણીના તળ ઉંચા આવી જતા ખેતરોના કૂવા ફરી જીવતા થયા છે અને જેનો લાભ આ રવિપાકમાં ખેડૂતોને મળી રહ્યો છે. ત્યારે ચોમાસામાં પુરતો પાક ન લઇ શકનાર ખેડૂતો હવે રવિપાકમાં સારું ઉત્પાદન અને સારા ભાવની આશા કરી રહ્યા છે.