ભાવનગર શહેરના હોમગાર્ડ જવાનો કારગિલ યુદ્ધના 20 વર્ષ પૂર્ણ થતા વીર જવાનોને શ્રદ્ધાંજલિ પાઠવવા હોમગાર્ડ જવાનો બાઇક સાથે લેહ લદાખના સુધીનો પ્રવાસ કરશે અને આ પ્રવાસની સાથે ‘બેટી બચાવો બેટી પઢાઓ’, સ્વચ્છ ભારત અભિયાન અને જળ એ જ જીવનના સૂત્રો સાથે રસ્તા પર આવતા દરેક નાનામોટા ગામડાઓમાં સંદેશો આપશે.
ભાવનગરના હોમગાર્ડ જવાનો મોટરસાયકલ સાથે લેહ લદાખના પ્રવાસે રવાના આ પ્રવાસ પ્રસ્થાન પહેલા હોમગાર્ડ જવાનોનું ભાવનગર રેન્જ IGની ઉપસ્થિતિમાં સન્માન કાર્યક્રમ યોજવામાં આવ્યો હતો, આ હોમગાર્ડના કુલ નવ સભ્યો આ પ્રવાસમાં જશે. ભાવનગર પોલીસ રેન્જના IG તથા હોમગાર્ડના દરેક જવાનો મહાનગરપાલિકાના મેયર તથા ભાજપ યુવા નેતાના પ્રમુખ તેમજ ઉદ્યોગકારો દ્વારા હોમગાર્ડ જવાનોને આ યાત્રા સુખમય અને શાંતિપૂર્ણ રીતે પરિપૂર્ણ થાય તેવી શુભેચ્છા સાથે ભાવનગર રેન્જ IG દ્વારા ઝંડી આપીને પ્રસ્થાન કરાવ્યું હતું.
